ASTANA. 23 naýryz. Kásipqoı bokstan orta salmaqta IBO, WBA (Super) jáne WBC (Interim) tujyrymdary boıynsha álem chempıony Gennadıı Golovkın kelesi jekpe-jegin 16 mamyr kúni amerıkalyq Vıllı Monroǵa qarsy ótkizetini belgili. Taıaýda qarsylastardyń qatysýymen AQSh-ta alǵashqy baspasóz máslıhaty ótti. Atalǵan sharada otandasymyz Monro týraly pikirin bildirdi. Bul týraly egemen.kz habarlady.
«Monromen bolatyn aıqas asa tartysty bolady dep senemin. Jankúıerlerim de osy jekpe-jekti asyǵa kútip otyr. Bul kezdesýdiń eki-úsh raýndqa ǵana sozylmaıtyny belgili. Sebebi, qarsylasym ashyq aıqasqa túspeıtin, jabyq boksshy. Onyń bokstasý mánerin kýbalyq tásil dese de bolady. О́ıtkeni, onyń sharshy alańdaǵy ádisi belgili kýbalyqtar Gılermo Rıgondo men Erıslandı Laraǵa uqsaıdy. Sondyqtan Vıllı maǵan da, Kanelo Alvareske de ońaı qarsylas bolmaıdy», – dedi Golovkın.
Aıta keteıik, qos boksshy arasyndaǵy aıqas 16 mamyrda Inglvýd (AQSh) qalasyndaǵy 17 myń oryndyq The Forum arenasynda ótedi. 28 jastaǵy Vıllı Monro búginge deıin kásipqoı boksta 20 kezdesý ótkizip, sonyń bireýinde ǵana jeńilgen. Solaqaı boksshy orta salmaqta Boxcino-2014 týrnıriniń jeńimpazy.
Al Golovkın sońǵy kezdesýin 22 aqpan kúni Monakoda Martın Mıýrreıge qarsy ótkizdi. Búginge deıin 32 jekpe-jek ótkizip, bárinde jeńiske jetken qazaqstandyq boksshy 16 mamyrda óziniń chempıondyq ataǵyn 14-ret qorǵaý úshin judyryqtasady.
Elaman Qońyr.
Derek: egemen.kz.
Sýret: boxingplanet.ru.
