О́tken jyldar ishinde týrnır jaýyngerlik sambo álemindegi eń bedeldi jobalardyń birine aınalyp, Reseı men shet memleketterdiń eń myqty sportshylaryn bir arnaǵa toǵystyrdy.
Reseı Federasııasynyń astanasynda Jaýyngerlik sambo lıgasynyń Gran-prı fınaly ótti. Atalǵan dodaǵa Qazaqstan, Reseı, Tájikstan, Qyrǵyzstan jáne Kamerýn elderiniń ókilderi qatysty. Kilemge álem chempıondary, sport sheberleri men ulttyq quramalardyń kóshbasshylary shyǵyp, jarystyń joǵary halyqaralyq deńgeıin aıqyn kórsetti.
Tartysty ótken beldesýler qorytyndysy boıynsha Qazaqstan Respýblıkasy IIM Ulttyq ulanynyń áskerı qyzmetshisi — 6697 áskerı bóliminiń 1-operatıvtik maqsattaǵy batalony avtomobıl vzvodynyń 1-avtomobıl bólimshesiniń aǵa mamany - aǵa júrgizýshisi efreıtor Málik Baısultanov birinshi oryndy ıelendi. Onyń senimdi óner kórsetýi men joǵary deńgeıdegi daıyndyǵy kásibılik pen sporttyq sheberliktiń jarqyn úlgisine aınaldy.
Aıta ketý kerek, mereıtoılyq týrnır Jaýyngerlik sambo lıgasynyń batyl ıdeıadan bastap, jarystardy uıymdastyrýdyń jańa standarttaryn qalyptastyrǵan turaqty kásibı alańǵa deıingi ósimin aıqyn kórsetti.
Ulttyq ulan áskerı qyzmetshisiniń halyqaralyq arenadaǵy jeńisi Qazaqstan Respýblıkasy IIM Ulttyq ulany jaýyngerleriniń dene jáne jaýyngerlik daıarlyǵynyń joǵary deńgeıde ekenin taǵy bir márte dáleldedi.
