Atalǵan týrnırdiń basty jekpe-jeginde elimizdiń tanymal boksshysy, jartylaı aýyr salmaqtaǵy WBA Asia nusqasy boıynsha altyn belbeýdiń ıegeri Álı Ahmedov (24-2, 17 KO) ganalyq Delalı Mıledzımen (29-1-1, 22 KO) aıqasty. Báseke basynan aıaǵyna deıin bizdiń boksshynyń aıqyn basymdyǵymen ótti. Álı qarsylasyn «qýyp júrip sabady» dese de bolady. Alaıda aýyr-aýyr soqqylar alǵanyna qaramastan Mıledzı jekpe-jektiń sońyna deıin shydady. Nátıjesinde tóreshilerdiń sheshimine júginýge týra keldi. Qazylardyń barlyǵy da jeńisti biraýyzdan Ahmedovke berdi.
Mahmud Sabyrhan men Natalıa Bogdanova jyldyń úzdik boksshysy atandy
Áý basta Bekman Soılybaev (20-1, 11 KO) armenııalyq Andranık Grıgorıanmen (15-3-1, 4 KO) kúsh synasady dep jarııalanǵan edi. Biraq qarsylasy Almatyǵa kelmedi. Ony dereý ózbekstandyq Abdýllo Qoshqarovpen (6-0, 5 KO) almastyrýǵa týra keldi. Alaıda kórshiles elden kelgen óren bul básekege daıyn bolmaı shyqty. Soılybaevtyń joıqyn soqqylaryna shydamaǵan Qoshqarov ekinshi raýndtan keıin kezdesýdi jalǵastyrýdan bas tartty.
Qazaqstan boksshylary 2028 jylǵy Olımpıadaǵa AQSh-ta daıyndalady
Joǵaryda esimderi atalǵan qos sańlaqtan bólek, Almatydaǵy boks keshinde Baýyrjan Bekmurzaev, Kenje Muratuly, Aleksandr Kovrıgın, Ramzan Saıtov, Damır Ábdiqadyr jáne Nurjan Serikbaev syndy jerlesterimiz óz jekpe-jekterin jeńispen aıaqtady.
