Qaırat FK
Jartylaı fınalda «Qaırat» «Aqtóbemen» kezdesti. Báseke bastalǵan bette Nurhan Baızaqov gol soǵyp, aqtóbelikterdi alǵa shyǵardy. 9 mınýtta Kaıo Rýız tarazy basyn teńestirdi. Kózdi ashyp-jumǵansha Qaırat Imanalın mergendik tanytty. Bul joly da jaǵdaıdy Rýız qutqardy. Desek te úziliske deıin Eger Nýlet nysanany dál kózdep úlgerdi.
Ekinshi kezeńde de «Aqtóbe» qarqynyn báseńdetken joq. 26 mınýtta Albert Aqbalyqov kózge tústi. Oǵan jaýap retinde Kaıo Rýız het-trık avtory atandy. Ile-shala Birjan Orazov dopty torda týlatqannan keıin «Qaırat» teń esepke qol jetkizdi. Biraq almatylyqtardyń bul qýanyshy uzaqqa sozylmady. 38 mınýtta Tórehan Dosov mańyzdy goldy torǵa toǵytyp, «Aqtóbege» jeńis syılady – 5:4. Endi el kýboginiń bas júldesi úshin tartys «Qaıratsyz» ótetin boldy.
Ekinshi jartylaı fınalda «Semeı» «Atyraýmen» sheberlik baıqasty. Munaıly ólkeniń fýtzalshylary myqty qarsylyq kórsetti. Desek te sheshýshi sátte shıraq oınaǵan Abaı oblysynyń oıynshylary jeńisti julyp áketti – 4:3. Sóıtip, fınalda «Aqtóbe» men «Semeı» kezdesedi.
