Mamandar esebinshe, elimizge keıingi 7 jylda syrttan quny 55 mln dollar bolatyn 81,9 myń tonna aına jetkizilipti. Odan bólek jyl saıyn jaqtaýly aınalar úshin 6 mıllıon dollar jumsaımyz. Avtokóliktegi artqy kórinis aınalaryn 9 mıllıonǵa satyp alatynymyz taǵy bar. Sondyqtan da olar «elimiz boıynsha Qyzylordada ashylǵan alǵashqy zaýyt ımportqa táýeldilikti azaıtyp, osy baǵyttaǵy otandyq óndiristi damytýǵa jasalǵan mańyzdy qadam boldy» desedi. «AynaGlass» JShS jylǵa da jetpeıtin ýaqyt ishinde júzege asyrylǵan joba bolyp otyr.
Kásiporyn jylyna 720 myń sharshy metr aına shyǵara alady. Bul suranysty 60 paıyzǵa deıin jaýyp, ishinara eksportqa shyǵýǵa múmkindik beredi. Uzyndyǵy 186 metrlik avtomattandyrylǵan jeli osy saladaǵy kóshbasshy el sanalatyn Qytaı elinen jetkizilip otyr. Qazir zaýytta 25 jergilikti maman jumys isteıdi, óndiris tolyq qýatyna jetkende olardyń qatary 60 adamǵa jetedi.
Seriktestik shıkizatty «Orda Glass» shyny zaýytynan alyp otyr. О́ndiris ornyn «О́nerkásipti damytý qory» qarjylandyryp oblys ákimdigi óndiristik aımaqtan daıyn ınfrakurylymmen 3,6 gektar jer bólipti. Jergilikti bılik pen damý ınstıtýtynyń osyndaı qoldaýynyń arqasynda Qazaqstanda aına óndirisi bastaldy. Zaýyt basshysy Aıjan О́mirzaqovanyń aıtýynsha, ınvestorlar quramy jergilikti kásipkerlerden turady.
О́ndiris ornyndaǵy jeli boıymen áınekter syrǵyp keledi. Jýylyp, tazalanyp, keptirilgennen keıin olar vakýýmdyq kameralarǵa beriledi. Osy jerde alǵashqy qabaty búrkilip, áınek aınaǵa aınala bastaıdy. Pesh kameralarynda taǵy eki qabat boıaý jaǵylady. Eń sońynda múltiksiz jumys isteıtin robottar qajetti málimetterdi taspalap, belgiler basady.
«Bastapqyda Eýropa jáne basqa da jetekshi elder óndirisin zerttep kórdik. Aqyry robotty qurylǵylardy óndirýde álemdik kóshbasshy sanalatyn Qytaı zaýytyna toqtadyq. Bul tanymal brend óz jabdyqtaryn AQSh, Eýropa men TMD elderine jetkizip otyr. О́nimdi ótkizý naryǵy kún sanap keńeıip keledi, Qazir bizdiń tutynýshylarymyz qatarynda Almaty, Túrkistan oblystary men Shymkent qalalarynan dıstrıbıýtorlar bar. О́nimimiz sapasy týraly jaǵymdy pikirlerdi kóp estımiz. Endigi mindet – elimizdiń suranysyn tolyq ótep, eksportqa shyǵý. О́ńir óndirisine qoldaý tanytyp kele jatqan oblys ákimi Nurlybek Nálibaevqa alǵys bildirgimiz keledi», deıdi zaýyt basshysy.
Syr boıy – shyny klasterin qurýǵa qolaıly aımaq. Negizgi shıkizat – joǵary sapaly kvars qumynyń qory boıynsha Qyzylorda elimizde aldyńǵy qatarda tur. Jańadan iske qosylatyn jylý elektr ortalyǵy energııany kóp qajet etetin ınvestısııalyq jobalardy júzege asyrýǵa múmkindik beredi. Al kásiporyndardy turaqty gazben jabdyqtaýdy oblys aýmaǵy arqyly ótetin Beıneý – Bozoı – Shymkent magıstraldyq gaz qubyry qamtamasyz etedi. О́ńirdiń kóliktik logıstıkalyq áleýeti de aımaqtaǵy ınvest jobalardyń keleshegine senimdi ústeı túsip otyr.
«Kazakh invest» UK» AQ óńirlik dırektory Murat Balabaevtyń pikirinshe, osy ýaqytqa deıin agrarlyq aımaq sanalyp kelgen Syrda jańa ónerkásiptik dáýir bastaldy dep batyl aıtýymyzǵa bolady.
«Shyny jáne shyny buıymdaryn óndirý – elimizdegi ımportty almastyratyn, bolashaǵy zor salalardyń biri. О́ńirde iske qosylatyn «Aral soda» zaýyty shyny klasterine serpin beretin jobaǵa aınalmaq. О́ıtkeni soda kúli shyny óndirisine qajetti birden-bir shıkizat. Osylaısha, óndiris shyǵyndary aıtarlyqtaı tómendep, básekege qabileti arta túspek.
«Keıingi jyldary aımaqqa otandyq jáne sheteldik ınvestorlardy tartý bastamasy aıtarlyqtaı nátıje berip otyr. Jańadan ashylǵan óndiris orny aımaqta zamanaýı ónerkásip orta qalyptasyp jatqandyǵyn kórsetedi. Bul tek bastamasy ǵana. Bul salada elimiz ishki suranystan bólek básekege qabiletti eksportshyǵa da aınala alady. Mysaly, biz uzaq jyldar boıy ımporttyq aınaǵa qarap keldik, búgin sony ózimiz jasap otyrmyz. Bul shyn máninde óndiristegi úlken ózgeristerdiń bastaýy», deıdi M.Balabaev.
QYZYLORDA
