Prezıdenttiń tapsyrmasymen Qazaqstanda salyqtyq amnıstııa jarııalanady. Amnıstııa 2026 jylǵa deıin qalyptasqan salyq bereshegine qatysty qoldanylady jáne mıkro, shaǵyn bıznes sýbektileriniń ósimpuldary men aıyppuldaryn tolyq esepten shyǵarýdy qarastyrady. Sondaı-aq jyl basyndaǵy Ákimshilik quqyq buzýshylyq týraly kodeks aıasynda tirkelgen aıyppuldar da keshiriledi.
Amnıstııa merzimi shekteýli. Kásipkerler 2026 jyldyń 1 qańtary men 31 naýryzy aralyǵynda negizgi qaryz somasyn tolyq ótegen jaǵdaıda, aıyppuldar men ósimpuldar avtomatty túrde esepten shyǵarylady. Qosymsha ótinim berýdiń qajeti joq, rásim elektrondy júıe arqyly júrgiziledi.
Qarjy vıse-mınıstri Áset Turysov bul qadam bıznesti jańa salyqtyq kezeńge qaryzsyz bastaýǵa jol ashatynyn aıtty. Onyń sózinshe, amnıstııa qarjylyq tártipti kúsheıtip, esep júrgizýdi jeńildetedi jáne el kólemindegi myńdaǵan mıkro ári shaǵyn kásipkerge tynys beredi.
Sonymen qatar, naryqtyń jańa talaptarǵa beıimdelýine ýaqyt qajet ekeni eskerildi. Ulttyq taýarlar katalogyndaǵy kodtardyń bolmaýyna baılanysty synaq kezeńinde eshqandaı buǵattaý nemese sanksııa qoldanylmaıdy.
Aıta keteıik, jeltoqsan aıynyń basynda Memleket basshysy Úkimetke jańa Salyq kodeksiniń jekelegen normalaryn iske asyrýǵa qatysty bıznes ókilderiniń ótinishterin muqııat taldaýdy tapsyrǵan edi. Úkimet pen «Atameken» palatasy jyl sońyna deıin jańa talaptardy kásipkerlikke salmaq salmaı engizýdi qamtamasyz etýi tıis.
Sarapshylardyń pikirinshe, amnıstııa sharttaryn ýaqytyly oryndaý kásipkerlerge jańa jyldy qaryzsyz bastaýǵa naqty múmkindik beredi.
