«Jyl úzdigi - 2025» ataǵynyń ıegerlerin óńir basshysy Erbol Qarashókeev arnaıy marapattap, sport salasynda tolaıym tabysqa qol jetkizgen saıypqyrandarǵa qurmet kórsetti.
О́ńir basshysy quttyqtaý sózinde memleket qoldaýynyń arqasynda sport ınfraqurylymyn damytýǵa, balalar men jasóspirimder sportyn qoldaýǵa, sondaı-aq ulttyq, olımpıadalyq, paralımpıadalyq jáne sýrdlımpıadalyq sport túrlerin órkendetýge erekshe mán berilip otyrǵanyn atap ótti.
Búginde Jambyl oblysynda 2465 sport nysany jumys isteıdi, onyń 112-si bıyl paıdalanýǵa berildi. 2025 jyly óńir sportshylary respýblıkalyq jáne halyqaralyq deńgeıdegi resmı jarystarda 1 856 medal jeńip aldy.
«Jyl úzdigi – 2025» ataǵy aıasynda 26 nomınasııa boıynsha 30 adamǵa dıplomdar men qarjylaı sertıfıkattar tabystaldy.
Sonymen qatar sportty damytýǵa súbeli úles qosqan birqatar azamat óńir basshysynyń «Oblysqa sińirgen eńbegi úshin» belgisimen, Qurmet gramotasymen jáne Alǵyshatymen marapattaldy.
