Taza aýada kóbirek ýaqyt ótkizińiz
Jańa jyldy jáne demalysty mindetti túrde qymbat meıramhanalarda qarsy alý shart emes. Kerisinshe, dalaǵa shyǵyp, tegin nemese arzan oıyn-saýyq túrlerin tańdaǵan áldeqaıda tıimdirek.
Mysaly:
- Konkı tebý;
- Qysqy saıabaqtarda serýendeý;
- Jańajyldyq jármeńkelerdi aralaý;
- Tegin sheberlik sabaqtaryna qatysý;
- Shańǵy tebý;
- Balalarmen nemese otbasymen muz aıdyndaryna barý.
Mundaı demalys paıdaly, ári kóńildi ótetini anyq.
Jańa jyl merekesi qarsańynda Astana men Almatyda qandaı is-sharalar ótedi?
Qysqa saparǵa shyǵyńyz
Eger jańajyldyq demalysta saıahattaýdy josparlasańyz, bıýdjettik nusqalardy qarastyryńyz. Ushaq bıletteri men qonaqúılerdiń baǵasyn salystyratyn saıttardy paıdalanyp, aldyn ala bron jasap, jeńildikterdi qadaǵalaýǵa keńes beriledi.
Sondaı-aq poıyzben nemese avtobýspen jaqyn qalalar men óńirlerge barýdy oılastyrýǵa bolady. Kóbine kórshi qalaǵa jasalǵan qysqa ári mazmundy sapar uzaq, biraq qyzyqsyz demalystan kem áser qaldyrmaıdy.
Syılyqty óz qolyńyzdan daıyndańyz
Syılyq satyp alý – eń kóp shyǵyndalatyn tustardyń biri. Qymbat zattardyń ornyna qoldan jasalǵan syılyqtar daıyndap kórińiz.
Bul táttiler, ashyqhattar, áshekeıler nemese toqyma buıymdary bolýy múmkin. Mundaı syılyqtar arzan ǵana emes, sonymen qatar erekshe ári júrekten shyqqan syılyq bolyp sanalady.
Qoldan jasalatyn syılyqtarǵa birneshe ıdeıa:
-
Shyrsha oıynshyǵy – erekshe bezendirilgen oıynshyq;
-
Toqyma buıymdar – sharf, qolǵap nemese shulyq;
-
Fotosýret jaqtaýy – qarapaıym ramkany sándeý;
-
Qoldan tátti tort nemese bálish pisirý;
-
Dekoratıvti jastyqtar;
-
Gúl qumyrasy;
-
Bloknot nemese kúndelik;
-
Posterler men sýretter;
-
Jeke kúntizbe.
Eń bastysy – kóńil bólý. Shyn nıetpen jasalǵan kez kelgen syılyq jaqsy áser qaldyratyny sózsiz.
Jeńildikter paıdalanyńyz
Jańa jyl qarsańynda kóptegen dúkender jeńildikter men arnaıy usynystar jasaıdy. Azyq-túlik pen syılyqtarǵa arnalǵan aksııalardy aldyn ala baqylap otyrǵan jón.
Internet-dúkenderde baǵa kóbine tıimdi bolady. Onlaın platformalardan da qyzyqty ári arzan taýarlar tabýǵa múmkindik bar.
Úıde merekelik atmosfera jasańyz
Úıde dostarmen nemese týystarmen bas qosý – eń jyly ári este qalarlyq sát. Tamaq pen sýsyn shyǵynyn bólisýge, birge as daıyndaýǵa bolady. Bul tek qarjyny únemdep qana qoımaı, birlik pen kóńildi atmosferany qalyptastyrady.
Sonymen qatar úıde:
-
Jańajyldyq fılmder kórý;
-
Ústel oıyndaryn oınaý;
-
Gıtaramen shaǵyn konsert uıymdastyrý
Eń bastysy − tynyshtyq erejesin saqtap, kórshilerge qolaısyzdyq týdyrmaý.
Merekeniń sáni jumsalǵan aqshanyń kólemimen emes, birge ótkizgen ýaqyt pen shynaıy kóńilmen ólshenedi. Qarapaıym ıdeıalar, aldyn ala josparlaý jáne shyǵarmashylyq kózqaras arqyly jańa jyldy da, kez kelgen merekeni de qoljetimdi baǵaǵa ári erekshe ótkizýge bolady.
