Aral turǵyndary Jańa jyldy Astanada saǵat 15:00 bolǵan sátte qarsy alǵan.
Basylymnyń jazýynsha, Aýstralııanyń Sıdneı qalasynda júzdegen myń adam aýqymdy jańa jyldyq otshashýdy tamashalaý úshin jınalǵan. Otshashý aldynda 14 jeltoqsanda Sıdneıdegi Bondı jaǵajaıynda evreılerdiń Hanýka meıramyn atap ótý kezinde qaza tapqan adamdardy eske alý úshin bir mınýt únsizdik jarııalanǵan.
Azııanyń Bangkok pen Sıngapýr sekildi iri qalalarynda da áserli jaryq shoýlary josparlanǵan.
Jańa jyl Jer sharyn batystan shyǵysqa qaraı aralap ótýde. Eýropa elderinen keıin ony Batys jartyshar turǵyndary qarsy alady. Máselen, Brazılııadaǵy áıgili Kopakabana jaǵajaıynda shamamen eki mıllıon adam jınalady dep kútilýde.
Nıý-Iorkte Taıms-skver alańyndaǵy áıgili hrýstal shardy túsirý rásimi bıyl erekshe ótpek.
2026 jyly AQSh-tyń Táýelsizdik deklarasııasyna qol qoıylǵanyna 250 jyl tolýyna baılanysty shar eki ret túsirilip, ulttyq týdyń tústerimen jarqyraıdy.
Germanııada da aýqymdy merekelik sharalar kútilýde: Berlındegi Brandenbýrg qaqpasy mańynda, Gambýrg portynda jáne Mıýnhen qalasynda úlken toı-dýman uıymdastyrylady.
