Taratylǵan aqparǵa súıensek, qosymsha bilim berý uıymdarynyń jelisi ótken jylmen salystyrǵanda 25%-ǵa artyp, eki myńnan astam birlikti quraıdy. Aýyldyq jerlerdegi balalardy qosymsha bilim berýmen qamtamasyz etý maqsatynda 1 000 komıýnıtı-ortalyq qurý boıynsha jumystar aıaqtaldy. 3 jyl ishinde 4200-den astam balany qamtıtyn 1251 ortalyq ashyldy.
2025 jyldyń maýsym aıynan bastap sport, shyǵarmashylyq jáne qosymsha bilim berý salalaryn qamtıtyn biryńǵaı vaýcher júıesi pılottyq rejımde iske qosyldy. Búgingi kúni 600 myńnan astam bala qosymsha bilimge vaýcher aldy. Joba qazirgi ýaqytta 6 óńirde tabysty júzege asyrylýda: Astana, Shymkent qalalary jáne Qaraǵandy, Aqtóbe, Atyraý, Qyzylorda oblystary.
«Oqýǵa qushtar ult» jobasy aıasynda mektep kitaphanalarynyń qyzmeti júıeli túrde damyp keledi. edu.bookfund.gov.kz portalyna 8 myńnan astam mektep pen kolledj qosylyp, nátıjesinde oqyrman belsendiligi 26,2%-ǵa artty. Mektep kitaphanalarynyń qory bıylǵy jyly 141 mln danaǵa jetti. 1 830 kovorkıng-ortalyqtaryn qurý arqyly bilim berý uıymdary kitaphanalarynyń materıaldyq-tehnıkalyq bazasy jaqsartyldy», delingen aqparatta.
Sonymen qatar, 2025–2026 oqý jylynda bilim berý uıymdarynda «Adal azamat» birtutas tárbıe baǵdarlamasyn iske asyrý Zań jáne tártip, Eńbek adamy jáne Taza Qazaqstan atty úsh negizgi ıdeıaǵa basymdyq bere otyryp júzege asyrylýda. Bilim berý uıymdaryndaǵy synyptan tys jáne mektepten tys is-sharalar formatynda júrgiziletin búkil tárbıe jumysynyń mazmuny alty negizgi qundylyqqa negizdelgen: táýelsizdik pen otanshyldyq, birlik pen yntymaq, ádildik pen jaýapkershilik, zań men tártip, eńbekqorlyq pen kásibılik, jasampazdyq pen jańashyldyq.
Baǵdarlama aıasynda elimizdiń barlyq mektepterinde Ata-analarǵa pedagogıkalyq qoldaý kórsetý ortalyqtary jumys isteýde. Olardyń basty baǵyty balalardy oqytý men tárbıeleýde otbasy men mekteptiń ózara yntymaqtastyǵyn arttyrý, pozıtıvti ata-ana mádenıetin qalyptastyrý bolyp tabylady. Bıyl ata-analardyń balalarynyń mekteptegi ómirine qatysý belsendiligi eki esege ósti.
Ata-analarǵa arnalǵan sabaqtarǵa qatysqan ata-analardyń 62%-y tárbıe prosesine ózgertýler engizýge daıyn. Muǵalimder arasynda júrgizilgen saýalnama nátıjesi boıynsha respondentterdiń 82%-y baǵdarlamanyń synyp jetekshileriniń kásibı damýyna oń áserin, 84%-y oqýshy belsendiliginiń ósýine oń áserin, al 71%-y mektep pen otbasynyń ózara yntymaqtastyǵynyń artqanyn atap ótti.
