2026 jyly bul jumys jol-qurylys jumystarynyń barlyq túrlerin qamtı otyryp, shamamen 11 myń shaqyrym avtomobıl jolynda júzege asyrylady.
Jalpy kólemniń 2,3 myń shaqyrymy qurylys jáne rekonstrýksııalaý jumystaryna, 5 myń shaqyrymy kúrdeli jáne ortasha jóndeýge, al taǵy 4 myń shaqyrymy jergilikti mańyzy bar jol jelisin damytý jobalaryna baǵyttalady.
2026 jyly qurylys pen rekonstrýksııalaý boıynsha negizgi jobalardyń qatarynda Ulytaý oblysy aýmaǵyndaǵy uzyndyǵy 208 shaqyrym bolatyn Qyzylorda – Jezqazǵan avtojolyndaǵy jumystardy jalǵastyrý, jalpy uzyndyǵy 896 shaqyrymdy quraıtyn «Ortalyq – Batys» jobasyn júzege asyrý, sondaı-aq 232 shaqyrymdy quraıtyn Aqtóbe – Ulǵaısyn, 572 shaqyrymdyq Qaraǵandy – Jezqazǵan jáne ózge de baǵyttar boıynsha jobalar bar.
«2026 jyly Memleket basshysynyń tapsyrmalary aıasynda birqatar iri jobalardy júzege asyrý josparlanǵan. Bul bizdiń tranzıttik-kóliktik áleýetimizdi damytýǵa qatysty. Úlken jobalardyń qatarynda: Aqtóbe – Ulǵaısyn, Qaraǵandy – Jezqazǵan, Beıneý – Sekseýil jáne óte mańyzdy basty joba – Ortalyq-Batys.
Búgingi kúni barlyq josparlanǵan is-sharalar men qajetti tehnıkalyq-ekonomıkalyq negizdemeler alyndy, jumystar shtattyq rejımde júrgizilýde, qajetti qarjy kózdelgen», dep atap ótti Maqsat Qalıaqparov.
Iri eldi mekenderdi aınalyp ótetin joldardy salý men rekonstrýksııalaýǵa erekshe nazar aýdarylady. Atap aıtqanda, Saryaǵash, Qyzylorda, Petropavl jáne Rýdnyı qalalarynyń aınalma joldary boıynsha jobalardy júzege asyrý josparlanyp otyr.
Sonymen qatar Rahman qaınarlaryna aparatyn joldy, sondaı-aq Petropavl – Reseı Federasııasynyń memlekettik shekarasy ýchaskesin qosa alǵanda, týrıstik jáne shekaralyq baǵyttardy damytý jumystary jalǵasady.
Kúrdeli jáne ortasha jóndeý jobalaryn júzege asyrý sheńberinde 2026 jyly Jezqazǵan – Petropavl, Atyraý – Oral, Jańaózen – Kendirli, Muqyr – Qulsary, Makınsk – Aqsý – Torǵaı jáne taǵy da basqa baǵyttarda jol jumystaryn júrgizý josparlanǵan.
Jergilikti jol jelisi boıynsha Aqtaý – Fort-Shevchenko, Túrkistan – Sháýildir, Chapaı – Saıqyn jobalaryn júzege asyrý, sondaı-aq Semeı qalasynda avtogýjevtik kópir qurylysyn jalǵastyrý kózdelýde.
Sonymen qatar avtojol salasynda zamanaýı sıfrlyq jáne tehnologııalyq sheshimderdi engizý jumystary júrgizilýde. Qazirgi ýaqytta avtomobıl joldarynda 71 avtomattandyrylǵan ólsheý stansasy ornatylǵan, onyń ishinde 38-i respýblıkalyq mańyzy bar joldarda, 33-i jergilikti jol jelisinde ornalasqan.
Aldaǵy kezeńde olardyń sanyn 220 birlikke deıin ulǵaıtý josparlanyp otyr. Avtomattandyrylǵan ólsheý stansalaryn ornatý jáne paıdalaný boıynsha biryńǵaı tehnıkalyq talaptar bekitilip, olar «Ákimshilik óndiristerdiń biryńǵaı tizilimi» (ÁО́BT) prosessıngtik ortalyǵymen ıntegrasııalandy. Sonyń nátıjesinde avtomattandyrylǵan stansalar tirkegen salmaq parametrleriniń buzylýyna qatysty nusqamalar avtomatty rejımde qalyptastyrylady.
«Júzege asyrý bóliginde bizde avtomobıl ótkizý pýnktteri boıynsha jańǵyrtý júrip jatyr. Aýqymdy jumys bastaldy. 2026-2027 jyldar ishinde biz 33 ótkizý pýnktin tolyq jańǵyrtýdy josparlap otyrmyz. 2030 jylǵa qaraı olardyń ótkizý qabiletin 35 mln tonnaǵa deıin ulǵaıtý múmkindigimen rekonstrýksııany tolyǵymen aıaqtaımyz», dedi vıse-mınıstr.
2026 jyly avtojol salasyndaǵy «e-Joldar» biryńǵaı sıfrlyq júıesin iske qosý josparlanýda. Atalǵan júıeniń negizgi maqsaty — etalondyq derekterdi shoǵyrlandyrý jáne olardyń qoǵamdyq baqylaý úshin ashyqtyǵyn qamtamasyz etý.
«Sondaı-aq bizde avtomobıl joldary bóliginde salany sıfrlandyrý boıynsha jumystar júrgizilýde. Biz qazir tolyq qalyptastyrǵan «E-Joldar» aqparattyq júıesin júzege asyrýdy josparlap otyrmyz: barlyq qajetti tehnıkalyq tapsyrmalar, sharttar alyndy. Kelesi jyldan bastap toltyrý bastalady, bul qajetti qujattarǵa, tólqujattarǵa, jóndeýaralyq merzimderge jalpy qol jetimdiliktiń tolyq bolýyna, qoǵamdyq baqylaýǵa, barlyǵyna qol jetkizýge múmkindik beredi», dep atap ótti ol.
Vıse-mınıstrdiń aıtýynsha, 2026 jyl aýqymdy ınfraqurylymdyq jobalardy júzege asyrýdy, qoldanystaǵy jol jelisin jańǵyrtýdy jáne zamanaýı sıfrlyq sheshimderdi engizýdi úılestiretin avtojol salasyn damytýdyń mańyzdy kezeńine aınalady. Jol salý, jóndeý jáne basqarý salalaryndaǵy keshendi tásil avtomobıl joldarynyń sapasy men qaýipsizdigin arttyryp qana qoımaı, óńirlerdiń turaqty damýyna jáne elimizdiń kólik ınfraqurylymyn nyǵaıtýǵa baǵyttalǵan uzaqmerzimdi áleýmettik-ekonomıkalyq nátıjelerge qol jetkizýge múmkindik beredi.
«Kelesi jylǵa aýqymdy jumys josparlanǵan, Memleket basshysy qoıǵan barlyq mindetter men maqsattar tolyq oryndalatyn bolady», dep qorytyndylady Maqsat Qalıaqparov.
