Foto: Aqorda
Suhbat barysynda «Turkistan» gazetiniń bas redaktory Baýyrjan Babajanuly parlamenttik reforma týraly surady. Osy taqyryp aıasynda suhbat alýshy keı sarapshylardyń bul reformany Parlament tóraǵasy laýazymyn memlekettik basqarý júıesindegi eń basty laýazymǵa aınaldyrý úshin ǵana ótkiziletinin aıtyp júrgenin alǵa tartyp, bul laýazymdy Prezıdent ózine daıyndap jatyr degen de sybystyń bar ekenin jasyrmaı, Memleket basshysynyń pikirin bildi.
«Bul – bos áńgime. Mundaı pikir meniń saıası qaǵıdattaryma qaıshy keledi. Men Qazaqstannyń prezıdenttik basqarý úlgisindegi memleket ekenin birneshe ret aıttym. Osydan 8 jyl buryn, ıaǵnı Aqordaǵa kelgenge deıin «Kúshti Prezıdent – Yqpaldy Parlament – Esep beretin Úkimet» tujyrymdamasyn jarııaladym. Jeke bastyń qamyn kúıttep, memlekettik júıeni tutastaı ózgerte salý baryp turǵan jaýapsyzdyq, tipti, adamgershilikke jatpaıtyn áreket bolar edi.
Elimiz úshin asa mańyzdy reformanyń bári jalpyhalyqtyq referendýmǵa shyǵarylady. Bul jerde eshqandaı astyrtyn oılar joq. Meniń ustanymym barshaǵa belgili, saıası reformalar jalǵasa beredi. Uzaq merzimge arnalǵan jospardyń bir bóligi ádettegideı jaqyn arada jarııalanady», dedi Prezıdent.
Toqaev eks-prezıdenttiń Máskeýge sapary týraly: Ne aıtylǵany maǵan qyzyq emes
Buǵan deıin Qasym-Jomart Toqaev bılik tranzıtine qatysty da pikir bildirgen edi.
Sondaı-aq Prezıdent densaýlyǵyna qatysty saýalǵa da ashyq jaýap berdi.
