Mereke kúni Aqsý qalasynyń 70 myńynshy turǵyny ómirge keldi

PAVLODAR. 23 naýryz. Pavlodar oblysy Aqsý qalasynda búgin jalpyhalyqtyq merekeleý jalǵasyp jatyr. Bul týraly egemen.kz tilshisi habarlady. Metallýrgter men energetıkter shaharynda osy kúni taǵy bir qýanyshty oqıǵanyń tusaýy kesildi. Ol qalanyń 70 myńynshy turǵynynyń mereke kúni ómirge kelgenimen baılanysty boldy. Osyǵan oraı Ertistiń jaǵasyndaǵy aıdyndy qalada alashapqyn súıinshi suraýshylyq bastalyp ketti. Sonymen, Aqsýdyń 70 myńynshy turǵynynyń aty-jóni kim deısizder ǵoı? Aıtaıyq. Ola – osyndaǵy metallýrgııa zaýytynda jumys isteıtin jas otbasynyń tuńǵyshy – ul bala. Ata-anasy oǵan Batyr degen esim beripti. Kishkentaı batyrdyń salmaǵy 3 kılo, 300 gramm eken. Baqytty anany quttyqtaǵan qala ákimi Qaırat Núkenov náresteniń kórimdigine dep 500 myń teńgeniń sertıfıkatyn tabys etti. Taǵy bir atap óterligi, Aqsý qalasynda sońǵy úsh aıda 250 sábı dúnıege kelgen. Olardyń altaýy – egiz bala. О́tken jyldyń kórsetkishine kelsek, bir jylda 8 ana egizderdi dúnıege ákeldi. Sondaı-aq kóp balaly analar sany artqan. Jýyrda ǵana 38 jastaǵy ana 10-sábıin aman-esen bosandy. Farıda Byqaı. Mánbe, sýret: egemen.kz.