Oblystyq tótenshe jaǵdaılar departamenti bastyǵynyń mindetin atqarýshy Baǵdat Shaızadanyń aıtýynsha, departamentte táýliktik kezekshilik shtaby uıymdastyrylǵan. Oblys aýmaǵyndaǵy sý nysandaryna kúndelikti monıtorıng júrgizilip jatyr. О́zenderde jaǵdaı qalypty bolsa, taýdaǵy qardyń qory belgilengen normadan tómen. Sý tasqynyna qarsy sharalar bekitilgen josparǵa sáıkes atqarylyp jatyr. Búginde Báıdibek aýdanyndaǵy Boraldaı dambasy qalpyna keltirilip, Qaraqoja kanalyna shlıýz ornatyldy. Sonymen qatar ótken jyly «Turan sý» mekemesiniń kúshimen Saýran, Báıdibek, Ordabasy aýdandary men Arys qalasy aýmaǵyndaǵy ózen arnalary men qashyrtqylardyń 210 shaqyrymy mehanıkalyq tazalaýdan ótse, bıyl 186,2 shaqyrymdy tazalaýdan ótkizý kózdelip otyr. «Qazsýshar» RMK mekemesimen oblys aýmaǵyndaǵy 320 kanaldyń 749 shaqyrymy mehanıkalyq tazalaýdan ótkizildi. Bıyl 400-ge jýyq kanaldyń 800 shaqyrymyna mehanıkalyq tazalaý ótkizý josparda bar.
Báıdibek aýdanynda eldi mekenderge jaqyn ornalasqan kanaldardyń 27,9 shaqyrymyna mehanıkalyq tazalaý jumystary júrgizilgen. Keles aýdanynda eldi mekenderge jaqyn ornalasqan kanaldardaǵy 49,7 shaqyrym, Maqtaaral aýdanynda 7,1 shaqyrym qashyrtqylar, Jetisaı aýdanyndaǵy 228,9 shaqyrym kanal tazalandy. Arys qalasy Baıtoǵaı eldi mekeninde «KH-13 Baıtoǵaı eldi mekenine kirme jol» avtomobıl jolyna sý ótkeli ornatyldy. Otyrar aýdany Alakól, Kólqudyq, Aqkól, Samrat eldi mekenderinde dambalar nyǵaıtyldy. Túlkibas aýdanynda 21 shaqyrym, Sozaq aýdanyndaǵy Jýantóbe, Syzǵan, Jartytóbe eldi mekenderinde 12 shaqyrym kanaldar men aryq-atyzdar tazalandy. Sý tasqynynyń aldyn alý jumystary oblys ákiminiń turaqty baqylaýynda.
