Foto: esa.int
«Aldaǵy jyldary jerdi qashyqtyqtan ár túrli túsirýshi qural-jabdyqtarmen jabdyqtalǵan áýelik jáne ǵaryshtyq qurylǵylarmen baqylaýǵa arnalǵan keminde 5-6 spýtnık shyǵarylady. Onyń ishinde 75 mıllıon dollar somasyna eksport jasaý josparlanyp otyr. Bul Qazaqstan tarıhynda tuńǵysh ret bolady jáne elimizdiń eń tehnologııalyq eksporty bolmaq», dedi vıse-premer.Sondaı-aq elimiz 1 mıllıard dollar bolatyn IT-qyzmetteriniń eksport kórsetkishine merziminen bir jyl buryn qol jetkizýdi kózdep otyr.
Jaslan Mádıevtiń aıtýynsha, ótken jyly IT-naryqtyń kirisi shamamen 2 trıllıon teńgeni quraǵan. Bul rette Memleket basshysy 2026 jylǵa qaraı qyzmetter eksportynyń 1 mıllıard dollar kólemine qol jetkizý mindetin qoıdy. Vıse-premerdiń málimetinshe, bul kórsetkishke 2025 jyldyń qorytyndysy boıynsha jetýi yqtımaldyǵy bar.
«Astana Hub – IT-salasynyń negizgi ekojúıesi. Qatysýshylarynyń sany 2000-ǵa deıin ósti. Olardyń ishinde 25%-y sheteldik kompanııalar. Astana Hub startaptary men IT kompanııalary qazirdiń ózinde 30 myńnan astam jumys ornyn ashty. Al ekonomıkaǵa salynǵan ınvestısııa somasy 900 mıllıon dollardan asty», dedi Jaslan Mádıev.Sondaı-aq búgin Úkimet otyrysynda ekonomıkanyń barlyq salasyna zamanaýı tehnologııalardy engizý máselesi de talqylandy.
