Bilim • 06 Qańtar, 2026

Aqtaýdaǵy Nazarbaev mektebiniń túlegi Oksford ýnıversıtetiniń oqytýshysy atandy

20 ret

kórsetildi

1 mın

oqý úshin

Aqtaý qalasyndaǵy Nazarbaev Zııatkerlik mektebiniń túlegi Merýert Bıjanova ǵylym jolynda taǵy bir jetistikke jetti. Ol álemdegi eń bedeldi joǵary oqý oryndarynyń biri - Oksford ýnıversıtetine Teaching Fellow (oqytýshy-zertteýshi) qyzmetine taǵaıyndaldy, dep habarlaıdy Egemen.kz.

Azamat QOIShYǴARA

Aqtaýdaǵy Nazarbaev mektebiniń túlegi Oksford ýnıversıtetiniń oqytýshysy atandy

Merýert 2019 jyly NZM-di támamdap, keıin AQSh-taǵy Pensılvanııa ýnıversıtetinde bilim aldy. Ýnıversıtette belsendi bolyp, stýdenttik assambleıanyń prezıdenti qyzmetin atqardy. 2025 jyly Oksford ýnıversıtetiniń doktorantýrasyna qabyldandy.

Jas ǵalym Merýert Bıjanovanyń aıtýynsha, Teaching Fellow laýazymyna taǵaıyndalýy - onyń júıeli eńbeginiń joǵary baǵalanýy ári ýnıversıtet tarapynan kórsetilgen senimniń kórinisi. Endi ol óz ǵylymı zertteýlerin jalǵastyryp qana qoımaı, Oksford ýnıversıtetiniń oqytýshylar quramynda bolyp dáris oqıdy, bilim men ǵylym salasyndaǵy tájirıbesin jastarǵa usynady.