Sıfrlandyrý jáne jasandy ıntellekt jyly aıasynda óńirlik IT-habty damytý oblystyń tehnologııalyq ósiminiń negizgi qozǵaýshy kúshine aınalýda. Bıyl oblysta kreatıvti tehnologııalar ortalyǵy – Tumo Center, sondaı-aq jastardyń tájirıbelik sabaqtar ótýine arnalǵan Aqkól, Qosshy jáne Jaqsy qalalarynda úsh Tumo Classroom kampýsy ashylady. Sonymen qatar Sh. Ýálıhanov atyndaǵy Kókshetaý ýnıversıtetiniń bazasynda Tumottow ınnovasııalyq mektebin ashý jóninde memorandýmǵa qol qoıyldy.
Agrarlyq sektordyń tıimdiligin arttyrý maqsatynda óńirde «aqyldy AО́K» modeli engizilýde. Jasandy ıntellekt jerdi maqsatty paıdalanýyn baǵalaýda qoldanylyp, memlekettik qoldaý sharalaryn «bir tereze» qaǵıdaty boıynsha ashyq ári jedel alýǵa múmkindik beredi jáne salanyń tabystylyǵyn arttyrady.
Taǵy bir basym baǵyt – eldi mekenderdegi qaýipsizdikti kúsheıtý. Ishki ister mınıstrligi men jeke ınvestorlarmen birlesip, Qosshy qalasynda beınebaqylaý júıesin keńeıtý jobasy júzege asyryldy. Qoldanystaǵy 500 kameraǵa qosymsha 1 000 jańa kamera ornatylyp, olar zamanaýı jedel basqarý ortalyǵyna biriktirildi. Júıe qoǵamdyq tártipti baqylaýmen qatar, avtomatty rejımde kommýnaldyq máselelerdi, qańǵybas janýarlardyń bar-joǵyn jáne jol jamylǵysynyń jaǵdaıyn anyqtaıdy.
Biryńǵaı drondar ınfraqurylymy arqyly aýyl sharýashylyǵy alqaptary men orman massıvterine monıtorıng júrgizilip, zańsyz qoqys oryndary men órt oshaqtaryn jedel anyqtaýǵa múmkindik berilýde.
«2030 jylǵa deıingi sıfrlandyrý strategııasy bekitildi. Júrgizilgen jumystyń negizgi nátıjesi – Digital Aqmola biryńǵaı ekojúıesin qalyptastyrý boldy. Oǵan platformanyń ózi, jaǵdaılyq ortalyq, biryńǵaı baılanys ortalyǵy, startaptardy súıemeldeý jáne qoldaý júıeleri kiredi. Sonymen qatar ekonomıkanyń barlyq salalaryna jasandy ıntellektti engizý jumystary qatar júrgizilýde. Biz jasandy ıntellekttiń naqty ekonomıkalyq paıda ákelýine jáne azamattardyń ómir súrý sapasyn arttyrýyna basymdyq berip otyrmyz», dep atap ótti Marat Ahmetjanov.
