Týrnırdiń basty jekpe-jeginde elimizdiń tanymal boksshysy, jartylaı aýyr salmaqtaǵy WBA Asia nusqasynda altyn belbeý ıegeri Álı Ahme-dov (24-2, 17 KO) ganalyq Delalı Mıledzımen (29-1-1, 22 KO) aıqasty. Báseke basynan aıaǵyna deıin jerlesimizdiń basymdyǵymen ótti. Álı qarsylasyn qýyp júrip sabady dese de bolady. Alaıda aýyr-aýyr soqqylar alǵanyna qaramastan, Mıledzı jekpe-jektiń sońyna deıin shydady. Nátıjesinde tóreshilerdiń sheshimine júginýge týra keldi. Qazy-lardyń barlyǵy da jeńisti biraýyzdan Ahmedovke berdi.
Ekinshi jartylaı jeńil salmaqtaǵy Bekman Soılybaev (20-1, 11 KO) armenııalyq Andranık Grıgorıanmen (15-3-1, 4 KO) kúsh synasýǵa tıis edi. Alaıda qarsylasy Almatyǵa kelmedi. Ony dereý ózbekstandyq Abdýllo Qoshqarovpen (6-0, 5 KO) almastyrdy. Alaıda kórshiles elden kelgen boksshy bul básekege daıyn bolmaı shyqty. Soılybaevtyń joıqyn soqqylaryna shydamaǵan Qoshqarov ekinshi raýndtan keıin jekpe-jekti jalǵastyrýdan bas tartty.
Qos sańlaqtan bólek, Baýyrjan Bekmurzaev, Kenje Muratuly, Aleksandr Kovrıgın, Ramzan Saıtov, Damır Ábdiqa-dyr, Nurjan Serikbaev syndy jerlesterimiz de jekpe-jegin jeńispen aıaqtady.
ALMATY
