Foto: shuttersctock
Úkimettiń málimetinshe, medısınalyq mekemede aýqymdy jańartý jumystary bastalǵan. Qazirgi tańda aýrýhananyń materıaldyq-tehnıkalyq bazasy men ınjenerlik ınfraqurylymy qaıta jańartylyp jatyr. Joba aıasynda magnıttik-rezonanstyq tomografııaǵa arnalǵan jeke bólmeler men zamanaýı zerthana ashylady. Bul turǵyndarǵa kúrdeli tekserýlerdi aýdannan shyqpaı ótýge múmkindik beredi.
Sonymen birge qabyldaý bólimi halyqaralyq talaptarǵa saı qaıta jabdyqtalady. Reanımasııalyq tósektermen qamtamasyz etilgen jańa júıe dárigerlerge shuǵyl jaǵdaıdaǵy pasıentterge jedel ári tıimdi kómek kórsetýge jol ashady. Jóndeý tolyq aıaqtalǵan soń aýrýhana josparly jáne jedel medısınalyq qyzmet kórsetýdiń qazirgi standarttaryna sáıkes jumys istemek.
Vedomstvo ókilderiniń aıtýynsha, atalǵan jańǵyrtý medısınalyq kómektiń qoljetimdiligi men sapasyn arttyrýǵa yqpal etedi.
Qarjy mınıstrliginiń deregine sáıkes, arnaıy qor arqyly áleýmettik jáne kommýnaldyq nysandardy damytýǵa jalpy kólemi 482 mlrd teńge bólingen. Onyń ishinde «Aýyldyq densaýlyq saqtaýdy jańǵyrtý» baǵdarlamasy aıasynda el aýmaǵynda 183 medısınalyq mekemeni jańartý kózdelgen.
