Jan basyna shaqqandaǵy qarjylandyrýǵa kóshý balalar men jasóspirimder sportynyń materıaldyq-tehnıkalyq qamtamasyz etý deńgeıin arttyrady. Máselen, balalar men jasóspirimder sport mektepterinde bir sportshyǵa jylyna orta eseppen 415 myń teńge bólinedi. Qazirgi smetalyq qarjylandyrý kezinde bul kórsetkish orta eseppen 233 myń teńgeni quraıdy.
Aıta ketý kerek, qazirgi ýaqytta Týrızm jáne sport mınıstrligi smetalyq qarjylandyrý júıesin qoldanyp otyrǵan jalǵyz memlekettik organ. Osyǵan baılanysty salany basqarýdyń tıimdiligin arttyrý maqsatynda jan basyna shaqqandaǵy qarjylandyrý júıesine aýysady.
Jobany iske asyrý jergilikti bıýdjetterden qosymsha qarajat bólýdi talap etedi. Atalǵan shyǵyndar Respýblıkalyq bıýdjettik komıssııanyń sheshimimen qoldaý tapty, al qajetti qarajat jergilikti bıýdjetter esebinen bólinedi.
Jan basyna shaqqandaǵy normatıvtik qarjylandyrýdy elimizdegi barlyq BJSM-de 2026 jylǵy 1 qańtardan bastap engizildi.
