Sport • 09 Qańtar, 2026

Jarys kúndeligi

10 ret

kórsetildi

2 mın

oqý úshin

Almatynyń «Qaırat» fýtbol klýby BAÁ-de oqý-jattyǵý jıynyn ótkizip jatyr. Komanda quramynda tek Dastan Sátpaev, Oljas Baıbek, Azamat Tuıaqbaev joq. Olar jaraqattaryn emdep júr. Jerlesterimiz Parsy shyǵanaǵynda eki joldastyq kezdesý ótkizýdi josparlap otyr. 9 qańtarda Ázerbaıjannyń «Neftchıimen», 14 qańtar-da Horvatııanyń «Varajdınasymen» sheber-lik baıqasady. Jalpy, bıyl «Qaırattyń» aldynda eki úlken maqsat tur. Birinshisi, byltyrǵy maýsymda Qazaqstan Premer-lıgasynda jeńip alǵan chempıondyq ataǵyn bıyl da sátti qorǵaý. Ekinshiden, ÝEFA Chempıondar lıgasynda múmkindiginshe mol upaı jınaýǵa tyrysý. Ázirge Rafael Ýrazbahtın baptaıtyn komanda alty oıynnan keıin bir ǵana upaıǵa ıelik etti. Osy jarys aıasynda «Qaırat» 20 qańtarda Belgııanyń «Brıýggesin» qabyldasa, 28 qańtarda Londonǵa sapar shegip, jerigilikti «Arsenalmen» kúsh synasady.

Ǵalym SÚLEIMEN

Bıylǵy maýsymdy dzıýdoshylar 7–8 aqpan aralyǵynda Parıjde ótetin Grand Slam týrnırinen bastaıdy. Atalǵan jarysta elimizdiń namysyn segiz sportshy qorǵaıdy. Olar – Sherzod Davlatov (60 kg), Ǵusman Qyrǵyzbaev pen Baýyrjan Narbaev (66 kg), Abylaıhan Jubanazar (81 kg), Aıdar Arapov (90 kg), Nurlyhan Sharhan men Marat Baıqamurov (100 kg). Áıelder saıysynda jalǵyz Ábıba Ábýjaqynovaǵa (48 kg) senim artylyp otyr.

Qazaqstan fýtbol federasııasy (QFF) bıylǵy maýsymnyń jarystar kestesin jarııalady. Elimiz sýperkýboginiń fınaly 28 aqpanda «Astana arenada» ótedi. Bas júlde úshin tartys Almatynyń «Qaıraty» men Qostanaıdyń «Tobyly» arasynda órbıdi. Arada dál bir apta ótkennen soń Premer-lıga oıyndary bastalady. Bul dop dodasy końyr kúzge deıin sozylady.

Qazaq tennısshisi Arýjan Saǵandyqova ITF W15 serııasyndaǵy týrnırdiń juptyq synynda jeńimpaz atandy. Úndistannyń Ahmedabadynda uıymdastyrylǵan jarysta ol reseılik Marııa Golovınamen birge barlyq básekede basym tústi. Fınalda Arýjan men Marııa japon qyzdary Maný Kavamýra men Honoka Kobaıashıdi 6:3, 6:2 esebimen qapy qaldyrdy. Bul – Saǵandyqovanyń sporttyq mansabyndaǵy ITF sanatyndaǵy besinshi tıtýly, juptyq saıystaǵy úshinshi jeńisi.