Foto: egemen.kz/ Qyrmyzy Jumaǵalıqyzy
Agenttik málimetinshe, zeınetaqy jınaqtary stomatologııalyq qyzmetter kórsetý týraly formaldy sharttar jasasý jáne keıinnen jalǵan medısınalyq qujattar usyný arqyly shyǵarylyp otyrǵan.
Atalǵan kómek úshin kúdiktiler alynǵan qarajattyń 10%-dan 20%-ǵa deıingi mólsherinde zańsyz syıaqy ustaǵan.
Qylmystyq shemaǵa 42 stomatologııalyq klınıka tartylǵan.
Olardyń qatysýymen jalpy somasy 200 mlrd teńgeden astam qarajat shyǵarylǵan.
Zeınetaqy qarajatyn stomatologııalyq qyzmetterge jumsaýǵa tyıym salyndy
Qylmystyq jolmen alynǵan tabystarǵa kúdiktiler elıtalyq jyljymaly jáne jyljymaıtyn múlik satyp alyp, sondaı-aq jasyrý maqsatynda úshinshi tulǵalardyń atyna rásimdep, jańa stomatologııalyq klınıkalar ashqan.
Atalǵan fakti boıynsha 11 kúdikti 2 aı merzimge qamaýǵa alynyp, taǵy úsheýine qatysty úıqamaq túrindegi bultartpaý sharasy tańdaldy.
BJZQ-dan tólenetin zeınetaqy tólemderi tabys salyǵynan bosatylady
Sonymen qatar, júıeli túrde zańsyz syıaqy alý úshin medısınalyq mekemelerdiń dárigerleri dárigerlik-konsýltasııalyq komıssııalardyń (DKK) jalǵan qorytyndylaryn bergen. Bul sanattaǵy dárigerlerdiń kúdiktilerden alǵan qarajatynyń jalpy somasy 30 mln teńgeni qurady.
Atalǵan faktiler boıynsha birqatar sotqa deıingi tergep-tekserý bastaldy.
Agenttik óz zeınetaqy aýdarymdaryn alǵan azamattar qylmystyq qýdalaý aıasyna túspeıtinin de málimdedi.
