AQSh Qarýly kúshteriniń Ortalyq qolbasshylyǵy – CENTCOM málimetinshe, operasııaǵa qatysty sheshimdi AQSh prezıdenti Donald Tramp qabyldaǵan. Áskerı soqqylar senbi kúni «Hawkeye strike» («Suńqar soqqysy») kodtyq ataýymen júrgizilgen.
CENTCOM habarlaýynsha, bul operasııa 13 jeltoqsanda Sırııada amerıkalyq áskerı qyzmetkerlerge qarsy jasalǵan, adam ólimine ákelgen shabýylǵa jaýap retinde uıymdastyrylǵan. Soqqylardyń negizgi maqsaty – terrorıstik ınfraqurylymdy joıý jáne óńirdegi odaqtas kúshterdiń qaýipsizdigin qamtamasyz etý.
Tramp AQSh-tyń Meksıkaǵa soqqy jasaýǵa daıyn ekenin málimdedi
– Bizdiń ustanymymyz ózgermeıdi: eger sizder bizdiń áskerı qyzmetkerlerge zııan keltirseńizder, biz sizderdi qaı jerde bolsańyzdar da taýyp, joıamyz. Eshbir jer kek qaıtarýdan qorǵaı almaıdy, – dep málimdedi AQSh Ortalyq qolbasshylyǵy.
Áskerı operasııa barysynda AQSh pen onyń seriktesteri 90-ǵa jýyq joǵary dáldiktegi oq-dárini qoldanyp, 35-ten astam nysanǵa soqqy bergen. Operasııaǵa 20-dan astam áskerı ushaq tartylǵan. Qazirgi tańda soqqy jasalǵan naqty aımaqtar men yqtımal adam shyǵyny týraly aqparat jarııalanǵan joq.
Atalǵan operasııa Sırııadaǵy turaqsyz jaǵdaıǵa qaramastan, halyqaralyq koalısııanyń terrorızmge qarsy kúres baǵytyndaǵy áreketterin jalǵastyryp otyrǵanyn kórsetedi.
Aıta keteıik, AQSh Karıb teńizinde 2 kemege soqqy berdi
