«Qazaqtelekom» abonentter úshin 2026 jylǵa arnalǵan tarıfteriniń qorytyndy qunynyń ózgerýin QQS-tyń 16% -ǵa deıin ósýimen túsindiredi. Bul rette baǵa tarıfterdi saqtaýdy kózdeıtin uzaq merzimdi kelisimsharttar jasasqandar úshin de ósken.
«Qazaqtelekom» operatory paıdalanýshyǵa kompanııa tarıfterdi QQS-syz bekitetinin jáne 2026 jyldyń 1 qańtarynan bastap olar ózgermegenin túsindirdi.
«QQS mólsherlemesi 12%-dan 16%-ǵa deıin ulǵaıǵan jaǵdaıda salyq qyzmettiń barlyq bazalyq qunyna esepteledi, osyǵan baılanysty aqy tóleýdiń qorytyndy somasy proporsıonaldy túrde ulǵaıady. Somanyń ósýi kompanııa tarapynan tarıftiń ózgerýimen emes, zańnamaǵa sáıkes abonent úshin qyzmettiń túpkilikti qunyna engiziletin salyq mólsherlemesiniń kóterilýimen baılanysty», dep atap ótti «Qazaqtelekom».
Kelisim-sharttarda tarıfter QQS-syz bekitilgen jáne olardyń baǵasy salyqtyń ósýine baılanysty ózgerýi múmkin.
Buǵan deıin uıaly baılanys operatorlary tarıfterdi 2025 jyldyń jeltoqsan aıynan bastap kótere bastaǵany habarlanǵan bolatyn.
