Málimet jýrnalıst Janat Moldashovanyń áleýmettik jelidegi jazbasynan belgili boldy. Onda marqum er adamnyń inisi Shalqar Muqanǵalıevpen telefon arqyly sóılesken aýdıosy jarııalanǵan.
Onyń aıtýynsha, otbasy músheleri qaza tapty degen boljam jasalǵan kúnnen keıin de týystar arasyndaǵy chattarda ártúrli habarlamalar paıda bolǵan.
Atyraý mańynda joǵalǵan otbasy oqıǵasy: izdeý jumysy qalaı júrip jatyr?
– Kelinimiz Násip О́teshqalıeva buryn týystar chatyna jıi jiberetin aýdıohabarlamalar bar edi. Sondaı aýdıolardyń biri 7 qarasha kúni qaıta jiberilgen. Kúdik týǵyzbaý úshin bireý sol burynǵy jazbalardy qaıta-qaıta taratyp otyrǵan bolýy múmkin. Qazir barlyq telefondar Sultanda (kúıeý bala, kúdikti) boldy dep aıtylady, sondyqtan ol jiberýi yqtımal dep oılaımyz, – dedi ol.
Týystarynyń málimetinshe, sońǵy aýdıojazbanyń mazmuny kúndelikti ádettegi sıpatta bolǵan.
– Onda «Qalaısyńdar, bári durys pa? Búgin juma, aman júrińder, aýyrmańdar» degen sııaqty sózder aıtylady. Mundaı habarlamalardy ol únemi jiberetin. Dál sol jazbany 7 qarasha kúni qaıta jibergen. Alaıda sol kezde erli-zaıyptylardyń tiri bolmaǵany belgili. Soǵan qaramastan týystar kúdik týǵyzbaý úshin hat almasý jalǵasqan, – dedi marqumnyń inisi.
Buǵan deıin týystary joǵalǵan otbasy músheleri atynan kelip turǵan mátindik habarlamalarǵa baılanysty quqyq qorǵaý organdaryna birden júginbegeni habarlanǵan. Ol habarlamalarda otbasynyń uly Naýryz Muqanǵalıev anasynyń syrqattanǵanyn, em-domǵa aqsha keregin aıtyp, malyn satyp jatqanyn jazǵany kórsetilgen.
Atyraýdaǵy joǵalǵan otbasynyń qyzy men balasyn súńgýirler izdep, taba almady
Atyraý oblystyq Polısııa departamenti Tengrinews tilshisine tergeý jáne jedel-izdestirý sharalary jalǵasyp jatqanyn habarlady.
– Barlyq nusqa tekserilip jatyr, – dep jaýap bergen polısııa.
Vedomstvo dereginshe, otbasynyń kishi qyzy áli kúnge deıin habar-osharsyz ketken retinde esepte tur.
Eske salaıyq, 66 jastaǵy Maqsot Qarabalın men 64 jastaǵy Násip О́teshqalıeva Atyraý oblysy Qyzylqoǵa aýdany Jangeldın aýylynda turǵan. 2025 jylǵy 25 jeltoqsanda týystary polısııaǵa olardyń qarasha aıynan beri baılanysqa shyqpaı ketkenin habarlaǵan.
6 qańtarda polısııa joǵalǵan erli-zaıyptynyń máıitin tapty. Atalǵan derek boıynsha qylmystyq is qozǵaldy. Sonymen qatar Bas prokýratýra izdeý portalynda erli-zaıyptyny óltirýge kúdikti retinde kórsetilgen Sultan Sársemálıevke qatysty baǵdarlaý jarııalanǵan.
Aıta keteıik, Atyraý oblysynda joǵalyp ketken otbasy: tyń derekter jarııalandy.
