2023 jyldyń shilde aıynda Meıirjan Tórebaev pen Meıirhan Shernııazov qarjy pıramıdasyn uıymdastyrǵany úshin eń tómengi qaýipsizdik mekemesine 5 jylǵa sottalǵan bolatyn. Sonymen qatar sot Meıirjan Tórebaevty Qylmystyq kodekstiń 262-baby 2-bóligi («uıymdasqan qylmystyq top qurý jáne oǵan qatysý») boıynsha aqtaǵan.
Tergeý barysynda vaınerlerdiń Mudarabah Capital qarjy pıramıdasyn jarnamalap qana qoımaı, odan tabys tapqany dáleldengen.
Bostandyqqa shyqqannan keıin Meıirjan Tórebaev áleýmettik jelidegi paraqshasynda oı-tolǵaý jarııalap, onda Aleksandr Petrovtyń sózin keltirgen. Ol óz jazbasynda qıyn kezeńniń ózine ishki erkindik pen ómirlik sabaq bergenin aıtyp, bul tájirıbeni «jan saıahaty» dep sıpattady.
Eske salaıyq, 2023 jylǵy 23 maýsymda Almaty qalasynyń Almaly aýdandyq soty Meıirjan Tórebaevty «Mudarabah Capital» qarjy pıramıdasyn uıymdastyryp, basqardy dep tanyp, 5 jylǵa bas bostandyǵynan aıyrǵan. Sondaı-aq oǵan 5 jyl merzimge kásipkerlikpen aınalysýǵa tyıym salynǵan.
Sottalǵan vaıner Meıirjan Tórebaev úıinde júr: QAJD sebebin túsindirdi
2024 jyldyń jeltoqsanynda Almatydaǵy Túrksib aýdandyq sotynda onyń jazanyń ótelmegen bóligin jeńil jazaǵa aýystyrý týraly ótinishi qaralǵan. Alaıda sot bul ótinishti qanaǵattandyrmady, sebebi keltirilgen shyǵyn tolyq ótelmegen. Zań talaptaryna sáıkes, mundaı jeńildik tek zalal tolyq ótelip, jazany óteý tártibi buzylmaǵan jaǵdaıda ǵana beriledi.
Aıta keteıik, sot úkimi 2024 jyldyń 1 aqpanynda zańdy kúshine engen.
