QMDB túsindirýinshe, follover (follower) – áleýmettik jelide belgili bir paraqshaǵa jazylyp, jarııalanatyn jazbalar men foto-vıdeo kontentti baqylap otyratyn qoldanýshy.
Pátýada oqyrman sanyn arttyrýdyń eki tásili kórsetilgen.
Birinshisi – shynaıy jazylýshylar arqyly kóbeıtý. Bul jaǵdaıda qyzmet kórsetýshi tarap belgili bir akkaýntty nemese jazbany jarnamalap, keńinen taratý mindetin alady. QMDB muny qyzmet kórsetýge jaldaý kelisimine uqsas ekenin atap ótip, sharıǵatqa qaıshy kelmeıtin joldarmen júzege assa, mundaı qyzmetke aqy tóleýge ruqsat etiletinin jetkizdi.
Aqtaý turǵyny áleýmettik jelide et satatyn jalǵan paraqsha ashyp, paıda tapqan
Ekinshisi – jalǵan (bot) akkaýnttar arqyly arttyrý. QMDB mundaı áreket naqty adamdardyń qatysýynsyz qoldan jasalatyndyqtan aldamshylyqqa jatatynyn jáne bul úshin aqy alý «kisi aqysyn jeý» retinde baǵalanatynyn málimdedi. Osyǵan baılanysty bot akkaýnttar arqyly follover sanyn kóbeıtýge de, oǵan aqy tóleýge de tyıym salynatyny aıtyldy.
Ǵulamalar keńesi tapsyrys berýshi bul áreketti bile tura jasatsa, kúnániń aýyrlyǵy arta túsetinin de eskertti.
Áleýmettik jelide eń belsendi sportshy kim?
Sheshimge sáıkes:
– oqyrman sanyn shynaıy qoldanýshylar arqyly, sharıǵatqa qaıshy kelmeıtin tásildermen arttyrýǵa bolady
– oqyrman sanyn jalǵan, bot akkaýnttar arqyly kóbeıtýge jáne oǵan aqy tóleýge tyıym salynady.
Aıta keteıik, Ulttyq ulannyń áskerı qyzmetshisi ánimen áleýmettik jelini tánti etti.
