Jelide jarysqan muǵalimder

Atalǵan saıys tórtin­shi jyl qatary­nan uıym­dastyrylyp otyr. Jelidegi jarysqa bilim úderisinde sıfrlyq formattardy qoldanatyn mektep, kolledj jáne joǵary oqý oryndarynyń oqytýshylary qatysqan. Tórt jyl ishinde «TikTok» platformasynda shamamen 100 myńǵa jýyq tanymdyq beınerolık jarııalanǵan.

Uıymdastyrýshylardyń aı­týynsha, muǵalim oqýshyǵa bilim berý úshin áýeli onyń qyzy­ǵýshylyǵyn oıatýy mańyzdy. Sondyqtan jetkinshekti jetektegen jelide qyzyqty hám paıdaly kontenttiń óte-móte kóp bolǵany durys.

Baıqaý qorytyndysy bo­ıynsha jeńimpaz atanǵandar­dyń biri – Taraz qalasyndaǵy Nazarbaev zııatkerlik mektebi­niń fızıka páni muǵalimi Mırlan Jýsanbaev. Ol óz beınejazba­synda kúrdeli fızıkalyq qubylystardy qarapaıym til­men jetkizip, ony tájirıbe men kózge birden túsetin vızýaldy mysaldar arqyly naqtylap kór­setedi. Osyndaı tásil onyń aýdı­torııasyna, ásirese oqýshylar men stýdentterge, ǵylymdy «qıyn» dep qabyldamaı, pánge qyzyǵýshylyqpen ári jańa qy­ry­nan qaraýǵa kómektesedi.

Jelidegi jarysta erekshe kózge túsken taǵy bir qatysýshy – Shymkent qalasyndaǵy №25 mektep-gımnazııasynyń matematıka pániniń muǵalimi Mádı Raıymbek. Ol qazaq tilindegi qysqa rolıkterinde logıkalyq esepter men kúrdeli tapsyrmalardy sheshýdiń ádis-tásilderin kezeń-kezeńimen, túsinikti tilmen jetkizgen. Mundaı kontent oqýshylardyń analıtıkalyq oılaýyn shyńdap, baqylaý jumystary men emtıhanǵa daıyndyq barysynda naqty paıdasyn tıgizedi.

«TikTok»-taǵy taǵylymdy tartysta oza shapqan úshinshi jeńimpaz – Taldyqorǵan qala­syndaǵy Nazarbaev zııat­kerlik mektebiniń hımııa páni muǵa­limi Ásem Rahımova. Peda­gog hımııadaǵy kúrdeli taqy­ryptardy mýzykamen ush­tastyryp, kreatıvti mazmunda túsindirýimen erekshelenedi. Ol hımııalyq baılanystyń negizgi uǵymdaryn qarapaıym tilmen jetkizip, bazany durys meńgerseń, kez kelgen reak­sııanyń ishki logıkasyn túsinýge bolatynyn naqty mysaldar arqyly dáleldeıdi.

Baıqaý nátıjesinde ár ata­lymnyń jeńimpazyna iPhone 17 smartfony syıǵa berildi. Atalǵan saıys «TikTok» platformasynda taǵylymdy kontent­tiń sanyn kóbeıtip qoıǵan joq, ustazdardyń shyǵarmashylyǵyn shyńdap, oqytýdy jańasha maz­munda usynýǵa múmkindik berdi. Osyndaı bastamalar bilim men tehnologııany toǵystyryp, jas urpaqtyń pánge degen qyzy­ǵý­shylyǵyn arttyratyny anyq.