Qostanaı qalasynda birinshi aýysymdaǵy 1-9-synyp oqýshylary qashyqtan oqýǵa kóshirildi.
Rýdnyı qalasynda 0-9-synyp oqýshylary qashyqtan oqytý formatyna aýystyryldy.
Beıimbet Maılın aýdanynda aýa temperatýrasy -30-dan -33 gradýsqa deıin tómendeýine baılanysty barlyq mektep tolyqtaı qashyqtan oqytýǵa kóshirildi.
Jitiqara aýdanynda aýa temperatýrasy -26,1 gradýs, jeldiń jyldamdyǵy sekýndyna 5 metr bolǵandyqtan, mektepaldy daıarlyq synyptarynyń, sondaı-aq birinshi aýysymdaǵy 1-7-synyp oqýshylary qashyqtan oqýǵa aýystyryldy.
Qarabalyq aýdanynda aýa temperatýrasy -29 gradýs, jeldiń jyldamdyǵy sekýndyna 12 metr bolǵan jaǵdaıda mektepaldy daıarlyq synyptary men birinshi aýysymdaǵy 1-9-synyp oqýshylary qashyqtan oqýǵa kóshirildi.
Lısakovsk qalasynda aýa temperatýrasy -27 gradýs, jeldiń jyldamdyǵy sekýndyna 5 metr bolǵandyqtan birinshi aýysymdaǵy 1-9-synyp oqýshylary qashyqtan oqıdy.
Altynsarın aýdanynda aýa temperatýrasy -27 gradýsqa deıin tómendeýine baılanysty birinshi aýysymdaǵy 0-9-synyp oqýshylary qashyqtan oqý formatyna aýystyryldy.
Aıta keteıik, buǵan deıin Astanada da sársenbi, 14 qańtar kúni aýa raıynyń qolaısyzdyǵyna baılanysty birinshi aýysymdaǵy 0-9-synyp oqýshylary onlaın formatta oqıtyny habarlanǵan bolatyn.
«Qazgıdromet» RMK 14 qańtarǵa Qazaqstannyń birneshe oblysynda daýyldy eskertý jarııalady. Sınoptıkter boran, qar jaýýy jáne kóktaıǵaq bolýy múmkin ekenin eskertedi.
