О́ńirlik densaýlyq saqtaý basqarmasy habarlaǵandaı, bul jańalyq ásirese shalǵaı aýyldarda turatyn áıelderge mańyzdy. Pansıonat qyzmeti akýsherlik patologııasy bar, problemalyq júktilikti bastan keshirip jatqan bolashaq analardyń qaýipsizdigi men jaılylyǵyn qamtamasyz etýge baǵyttalǵan. Munda táýlik boıy medısınalyq baqylaý júrgiziledi.
«О́tken jyl perınataldyq ortalyqtyń jańarý kezeńi boldy. Sımýlıasııalyq ortalyq ashylyp, osy renovasııa aıasynda pansıonat iske qosyldy. Qajet bolǵan jaǵdaıda ony keńeıtý de josparlanǵan. Sonymen qatar perınataldyq ortalyqta áıelder konsýltasııasy iske qosylyp, reprodýktolog, ýrolog, endokrınolog, ózge de mamandar qabyldaı bastady. Bul bolashaq analarǵa kórsetiletin kómektiń sapasyn arttyrady», dep habarlady basqarmadan.
Perınataldyq ortalyq – qaterli toptaǵy júkti áıelderge bosaný ústindegi, bosanǵannan keıingi kezeńde joǵary mamandanǵan akýsherlik-gınekologııalyq, neonatologııalyq kómek kórsetetin, sonymen qatar shala týǵan nárestege kútim jasaıtyn elimizdegi eń iri mekemeniń biri. Kez kelgen operasııa jasalady. Munda aýrýy asqynǵan, ishtegi sábıiniń patologııalyq belgileri bar analar úzbeı túsip jatady. Olardyń barlyǵyna kómek kórsetý, janyna súıeý bolý, óziniń jáne sábıiniń ómirine arasha túsý – dárigerlerdiń kúndelikti jumysynyń basty mıssııasy. Mamandardyń aıtýynsha, ana boıyndaǵy túrli akýsherlik aýytqýlar men aýrýlar kezinde operasııa jasaý – eń qıyn úderis. Mundaı kezeńde ananyń jatyrymen baılanysty ishki aǵzalaryn saqtap qalýǵa kóbirek kóńil bólinedi. Ishtegi sábıdiń uryqjoldasy kóp jaǵdaıda ózge múshelerge, jatyrǵa jabysyp qalatyny bar. Kesar tiligi arqyly jasalatyn operasııa jasaý sátinde dárigerler aǵzanyń ózge múshelerine meılinshe zaqym kelmeýin qadaǵalaıdy. Mundaı kúrdeli ári aýyr operasııalardy perınataldyq ortalyq mamandary keıingi 16 jylda úzbeı jasap júr.
Jalpy, 2008 jyldan bastap Dúnıejúzilik densaýlyq saqtaý uıymynyń usynysy boıynsha salmaǵy 500 gramm bolatyn balalardy bosandyryp alý normasy qabyldanǵan. Iаǵnı ana men balanyń densaýlyǵyna qaýip tónip tursa, júktiliktiń 22 aptasynan bastap bosandyryp alady. Pavlodardaǵy ortalyqta 2019 jyly salmaǵy 470 gramm bolatyn sábıdi aman-esen dúnıege ákelgen.
«Ol bala qazir aman-esen, óz qatarlastaryn áldeqashan qýyp jetti. Eń bastysy – sábıdi tiri alyp qalý», deıdi dárigerler.
Medısına qyzmetkerleriniń mindeti – ana men sábıdiń ómirin barynsha aman alyp qalýǵa tyrysý. Ana júktilik kezeńinde barlyq faktordy esepke alyp, dáriger mamandardyń baqylaýynda bolýy kerek. Mamandardyń aqyl-keńesine únemi qulaq túrip, yqtımal qaýipti jaıttardyń aldyn alyp otyrsa, ómirge deni saý sábı ákelýdiń múmkindigi arta túsedi.
Pavlodar oblysy
