Fýtbol. Qazaqstan Býrkına-Fasomen teń oınady

ASTANA. 12 mamyr. Búgin fýtboldan Qazaqstan Býrkına-Faso quramasymen joldastyq kezdesý ótkizdi. Almatyda ótken oıynda esep ashylǵan joq. Bul týraly egemen.kz habarlady. Negizgi nátıje teń bolǵanymen statıstıkalyq kórsetkishter boıynsha Qazaqstan aıtarlyqtaı basym boldy. Match barysynda fýtbolshylarymyz 12 márte qaqpaǵa soqqy baǵyttasa, qonaqtar 6 márte Stas Pokatılovtyń ıeligin nysanaǵa aldy. Al qaqpaǵa týra jasalǵan soqqy kórsetkishi boıynsha nátıje teń (1:1). Buryshtama doby boıynsha alań ıeleri aıqyn basymdyq tanytty. (12:0). Al dopqa ıelik etý kórsetkishi – 65%-35%. Búginde Býrkına-Faso quramasy FIFA reıtınginde 66-orynda tur. Iýrıı Krasnojan jattyqtyratyn ulttyq quramamyz 133-satyda keledi. Alaıda, Afrıka qurlyǵynyń ókilderi Qazaqstanǵa negizgi quramyn ákelgen joq. Osymen ulttyq quramamyz qatarynan ekinshi ret teń oınady. Fýtbolshylarymyz buǵan deıingi sońǵy kezdesýin Reseı quramasyna qarsy ótkizgen edi. Ol matchta da esep ashylmaǵany esimizde. Qazaqstan quramasy kelesi oıynyn 12 maýsymda 2016 jylǵy Eýropa chempıonatyna irikteý týrnıri aıasynda Túrkııaǵa qarsy ótkizedi. Sondaı-aq, 16 maýsymda kezekti joldastyq kezdesýi úshin taǵy bir Afrıka qurlyǵynyń ókili – Kabo-Verdege qarsy alańǵa shyǵady. Atalǵan eki oıyn Almatyda ótedi dep josparlanýda. Qazaqstan – Býrkına-Faso 0:0 12 mamyr. Almaty. Ortalyq stadıon. Tóreshiler: Ravshan Irmatov, Djahangır Saıdov (ekeýi de О́zbekstan), Bahadúr Qoshqarov (Qyrǵyzstan). Qazaqstan: Stas Pokatılov, Sergeı Malyı, Azat Nurǵalıev (Baýyrjan Islamhan 60), Mark Gýrman, Abzal Beısebekov (Sanat Jumahanov 81), Tańat Nóserbaev (Sergeı Hıjnıchenko 78), Dmıtrıı Shomko, Renat Abdýlın, Georgıı Jýkov (Alekseı Shetkın 70), Samat Smaqov, Ulan Qonysbaev (Tımýr Dosmaǵambetov 74). Býrkına-Faso: Mohamed Baılý, Kompaore Moýmoýnı, Paro Ýssoýf, Sımpore Saıd, Oýttara Maksım, Gýımbo Essane (Sano Alıassoý 55), Savadogo Hermann (Sone Iаkýba 60), Sılla Mohamed (Traore Erık 82), Dıvara Baný, Kabore Omar (Mofosso Trezor 79), Foýssenı Beao. Eskertý: Sılla Mohamed 28. Elaman Qońyr. Derek: egemen.kz. Sýret: kff.kz.