Vedomstvonyń málimetinshe, ulttyq zańnama talaptaryn buza otyryp, karantındik ónimdi ákelý áreketi áýejaıdaǵy karantındik fıtosanıtarııalyq baqylaý jáne qadaǵalaý beketinde júrgizilgen tekserý barysynda toqtatylǵan.
«Fıtosanıtarııalyq is-sharalar nátıjesinde Koreıa Respýblıkasynan ákelingen, alaıda shyǵý tegi Úndistan bolyp tabylatyn qyzanaq tuqymdarynan karantındik obekt – qyzanaq jemisteriniń qońyr qatparly vırýsy (Tomato brown rugose fruit virus) anyqtaldy», dep habarlady Aýyl sharýashylyǵy mınıstrliginde.
Atalǵan vırýs asa qaýipti karantındik nysandardyń qataryna jatady. Ol aýyl sharýashylyǵy óndirisine, ásirese kókónis sharýashylyǵyna eleýli zııan keltirýi múmkin. Sonymen qatar eldiń fıtosanıtarııalyq qaýipsizdigine úlken qater tóndiredi.
«Karantındik ónim ıesine qatysty ákimshilik is qozǵaldy. Is materıaldary prosessýaldyq sheshim qabyldaý úshin sotqa joldandy», dep tolyqtyrdy vedomstvoda.
Mınıstrlik syrtqy ekonomıkalyq qyzmetke qatysýshylarǵa Qazaqstan aýmaǵyna karantındik ónimderdi ákelý kezinde karantındik fıtosanıtarııalyq zańnama talaptaryn qatań saqtaý qajettigin eske saldy.
