Foto: Astana qalasynyń ákimdigi
Tıisti sheshim aýa temperatýrasy men jel jyldamdyǵyn eskere otyryp, jergilikti bilim bólimderi tarapynan qabyldandy.
Qostanaı qalasy
Aýa temperatýrasy -28°C, jeldiń jyldamdyǵy sekýndyna 6 metr bolǵan jaǵdaıda mektepaldy daıarlyq synyptarynyń (KPP) jáne 1-11 synyp oqýshylarynyń birinshi aýysymy qashyqtan oqytýǵa kóshirildi.
Uzynkól aýdany
Aýa temperatýrasy -30-dan -33°C-qa deıin jetti. Birinshi aýysymdaǵy mektepke daıarlyq synyby men 1-11 synyp oqýshylary qashyqtan oqıdy.
Meńdiqara aýdany
Temperatýra -30…-31°C, jel sekýndyna 3-5 metrge deıin soǵady. 1-11 synyp oqýshylary onlaın formatta oqýǵa aýystyryldy.
Arqalyq qalasy
Aýa temperatýrasy -25°C, jel sekýndyna 10 metr. Birinshi aýysymda oqıtyn 1-9 synyp oqýshylary qashyqtan oqytýǵa kóshirildi.
Rýdnyı qalasy
Bilim bóliminiń málimetinshe, qolaısyz meteojaǵdaılarǵa (–25°C, jel 6 m/s) baılanysty 0-9 synyp oqýshylary qashyqtan oqıdy.
Áýlıekól aýdany
Temperatýra -25°C, jel sekýndyna 4 metr. 1-4 synyp oqýshylary birinshi aýysymda qashyqtan oqytý formatyna kóshirildi.
Lısakovsk qalasy
Aýa temperatýrasy -26°C, jel sekýndyna 5 metr. Birinshi aýysymdaǵy 1-6 synyp oqýshylary qashyqtan bilim alady.
Qarabalyq aýdany
Temperatýra -31°C, jeldiń jyldamdyǵy sekýndyna 11 metr. 1-11 synyp oqýshylary birinshi aýysymda qashyqtan oqytý formatyna aýystyryldy.
Sonymen qatar, Qaraǵandy qalasynyń bilim bólimi 2026 jylǵy 16 qańtarda qolaısyz aýa raıyna baılanysty 0-11 synyp oqýshylarynyń birinshi jáne ekinshi aýysymdaǵy sabaqtary qashyqtan oqytý formatyna kóshiriletinin habarlady.
Kókshetaý qalasynda aýa temperatýrasynyń -29°C-qa deıin tómendeýinen birinshi aýysymdaǵy 1-9 synyp oqýshylary onlaın oqýǵa aýystyryldy.
Buǵan deıin aıazǵa baılanysty elordadaǵy mektep oqýshylary men stýdentteri de onlaın oqytý formatyna kóshirilgen bolatyn.
