Foto: olympic.kz
Olımpıada kezinde Korporasııanyń arnaıy túsirilim toptary dúbirli dodadan eksklıýzıvti habar taratady.
Sonymen qatar «Qazaqstan» men «Qazsport» arnalarynan kún saıyn «Olımpıada kúndeligi», «Qazsport» telearnasynan tikeleı efırde «Mılan – Kortına 2026» stýdııalyq baǵdarlamasy kórermenge jol tartady.
El sportshylary qysqy Olımpıada oıyndarynda qandaı kıim úlgisimen óner kórsetedi?
Aq oıyndarda 8 sport túrinen 116 medal jıyntyǵy sarapqa salynady. Qazir el sportshylary short-trek, konkımen júgirý jáne mánerlep syrǵanaýdan olımpıada joldamasyn ıelendi.
Aıta keteıik, qysqy Olımpıada tarıhynda tuńǵysh ret jarystardy resmı túrde qos qala qabyldaıdy. Italııa tórinde 100-ge jýyq eldiń 3000 sportshysy óner kórsetedi dep josparlanyp otyr.
Qysqy Olımpıadanyń ashylý saltanaty 6 aqpan kúni ótedi. Sporttyq is-sharanyń ashylýy men ózge de saıystar «Qazaqstan», «Qazsport», «Habar» jáne «Jibek Joly» arnalarynan tikeleı efırde kórsetiledi.
Halyqaralyq Olımpıada komıteti 2030 jylǵy qysqy Olımpıada oıyndary Fransııanyń Alpi taýlarynda ótedi dep josparlanyp otyrǵanyn habarlaǵan.
