Osy oraıda oblys ákimi Nuralhan Kósherov «Eurasia Group Kazakhstan» kompanııasynyń bas dırektory Sergeı Glokkemen kezdesýde aýyl sharýashylyǵy tehnıkalary, olarǵa servıstik qyzmet kórsetý jaıyn talqylady.
«Biz buǵan deıingi kelissózder nátıjelerin joǵary baǵalaımyz jáne seriktestigimizdi odan ári nyǵaıtýǵa múddelimiz. Oblystyń klımattyq ornalasýy aýyl sharýashylyǵy salasyn damytý úshin óte qolaıly. О́tken jyly oblysta jalpy ónim kólemi 4,532 mln tonnaǵa jetip, aýyl sharýashylyǵy óndirisiniń ósýi qamtamasyz etildi. О́ńirde ındýstrııalyq aımaqtar, «Turan» arnaıy ekonomıkalyq aımaǵy sııaqty negizgi ınvestısııalyq alańdar bar. Bul alańdarda ınvestorlarǵa daıyn ınfraqurylymy bar jer ýchaskeleri, sondaı-aq salyq jeńildikteri qarastyrylǵan. Sonymen qatar memleket esebinen shaǵyn ónerkásiptik ǵımarattar salynyp, ınvestorlarǵa jalǵa berilip jatyr. Jańa jobalarǵa qajetti qoldaý kórsetýge daıynbyz. Sonymen birge sizderge qajetti mamandardy daıarlaý úshin oblystaǵy kolledjderdiń áleýetin paıdalanýdy usynamyn», dedi Nuralhan Kósherov.
Kompanııa ókilderi óz usynystaryn aıtyp, jobalaryn tanystyrdy. Birlese jumys isteýge daıyn ekenderin jetkizdi. Aýyl sharýashylyǵy tehnıkalaryn shyǵarý jáne olarǵa servıstik qyzmet kórsetý baǵytyndaǵy bastamalary jemisti bolaryna senim bildirdi. Aýyl sharýashylyǵy tehnıkasy, jabdyqtary men agrotehnologııalary naryǵynda jumys isteıtin «Eurasia Group Kazakhstan» kompanııasynyń Qazaqstanda 14 ókildigi bar.
