Zań • 16 Qańtar, 2026

Túrkistan oblysynda ákesin aıaýsyz urǵan azamatqa sot úkimi shyqty

10 ret

kórsetildi

1 mın

oqý úshin

Túrkistan oblysy Shardara aýdanynda 70 jastaǵy densaýlyǵy nashar ákesin júıeli túrde uryp kelgen Almas Sadaqbaevqa qatysty sot úkimi jarııalandy. Sottalýshyǵa qasaqana ortasha aýyrlyqtaǵy dene jaraqatyn keltirý jáne azaptaý deregi boıynsha aıyp taǵylǵan, dep jazady Egemen.kz.

Dana MYRZAQADIR

Túrkistan oblysynda ákesin aıaýsyz urǵan azamatqa sot úkimi shyqty

Sotta aıyptalýshynyń kinási kýágerlerdiń túsiniktemeleri, aýdıo-beıne materıaldar men sot saraptamalarynyń qorytyndylarymen dáleldengen.

Túrkistan oblystyq soty qarııaǵa kórsetilgen zábir men soqqylardyń onyń ólimine tikeleı baılanysy joq ekenin habarlap otyr.

Almas Sadaqbaev sot barysynda aıybyn moıyndaǵan. Al memlekettik aıyptaýshy sottalýshyny 6 jyl 2 aı bas bostandyǵynan aıyrý jazasyn taǵaıyndaýdy suraǵan.

Isti júrgizgen sýdıa aıyptalýshynyń buryn sotty bolmaǵanyn, kámeletke tolmaǵan balalarynyń baryn jáne áreketin moıyndap, ókinish bildirgenin eskerip, 5 jyl merzimge bas bostandyǵynan aıyrý jazasyn taǵaıyndady.

Úkim zańdy kúshine engen joq.

Jańaózende bir top jasóspirim oqýshy men ákesin urǵan

Eske salaıyq, aıyptalýshy byltyr tamyz aıynyń ózinde ákesine 3 ret fızıkalyq kúsh qoldanyp, asa qatygezdikpen densaýlyǵyna zııan keltirgen. Qarııa kóp uzamaı 2025 jyldyń 2-nen 3-shi qyrkúıegine qaraǵan túni kóz jumǵan.