Úıirmeniń ashylý rásimi oblystyq Dostyq úıinde ótti. Atalǵan mádenı-sporttyq is-shara Memleket basshysy Qasym-Jomart Toqaevtyń 2025 jylǵy 29 jeltoqsanda jarlyǵymen bekitilgen Qazaqstan halqy Assambleıasyn 2030 jylǵa deıin damytý tujyrymdamasynda kórsetilgen jastardyń oı-órisin keńeıtý jáne qoǵamdyq kelisimdi nyǵaıtý mindetteri aıasynda uıymdastyryldy.
Toǵyzqumalaq – halqymyzdyń san ǵasyrlyq oı-órisin damytqan zııatkerlik doda. Ol esepke júırik bolýdy, aldaǵy qadamdy aldyn ala saralaýdy jáne taktıkalyq utymtal sheshim qabyldaýdy qalyptastyratyn oıyn. Sonymen qatar toǵyzqumalaq oıyny hakim Abaıdyń da súıikti oıyndarynyń biri bolǵany belgili. Bul týraly abaıtanýshylar men qatar M.Áýezovtiń «Abaı joly» romanynda da kórinis beredi. Sondyqtan da toǵyzqumalaq oıynyń Abaı elinde damýy zańdy qubylys bolsa kerek.
Mańǵystaýlyq oqýshy toǵyzqumalaqtan álem chempıony atandy
– Byltyr Prezıdent jarlyǵymen bekitilgen tujyrymdama aıasynda zııatker ult qalyptastyrý maqsatynda osy ıdeıany qolǵa alǵan bolatynbyz. Oǵan oblystaǵy etnomádenı birlestikteri men áleýmettik seriktesterimizdi shaqyryp otyrmyz, – deıdi Dostyq úıiniń ádiskeri Ersin О́rleýbek.
– 2016 jyldan bastap sport mektebinde kásibı jattyqtyrýshy retinde jumys istedim. Sońǵy jyldary shákirtterim halyqaralyq jarystarda joǵary nátıjelerge qol jetkizgen. Atap aıtqanda, ótken jyldyń qarasha aıynda Malıka Ásemhanova álem chempıony atanǵan, – dedi jattyqtyrýshy.
Is-shara barysynda Ardagerler keńesiniń tóraǵasy Muratqazy Álın úıirmeniń tárbıelik mańyzyna toqtaldy.
Toǵyzqumalaq – oıyn ǵana emes, ulttyń rýhanı qazynasy – Maqsat Shotaev
– Muny úlkenderge ǵana arnalǵan degen túsinik durys emes. Toǵyzqumalaq oıyny jastar men balalardyń oılaý júıesin damytatyn mańyzdy qural. Bul oıyn hakim Abaıdyń ózi erekshe mán bergen zııatkerlik muranyń biri, – dedi ol.
Jıynǵa Qazaqstan halqy Assambleıasynyń músheleri, Assambleıa jastary jáne etnomádenı birlestikterdiń ókilderi qatysty. Úıirmeniń ashylýyna qatysqan Ýlıana Abashevanyń bul tek zııatkerlik oıyn ǵana emes, etnosaralyq mádenı baılanystyń jarqyn úlgisi.
– Bul – halqymyzdyń mádenı murasynyń ajyramas bóligi. Tereń tarıhy bar ulttyq ústel oıyny. Úıirmeniń ashylýy ulttyq qundylyqtardy nasıhattaýǵa jáne jastardyń zııatkerlik qabiletterin damytýǵa baǵyttalǵan mańyzdy qadam boldy. Toǵyzqumalaq oıynynyń negizgi maqsaty – logıkalyq oılaýdy, strategııalyq josparlaýdy, alǵa qaraı oı qoryta bilýdi, sondaı-aq shydamdylyq pen zeıindilikti damytý. Oıyn barysynda qatysýshylar qarsylastyń árbir júrisin taldap, durys sheshim qabyldaýǵa, óz áreketterin aldyn ala josparlaýǵa úırenedi. Úıirmeniń ashylý barysynda biz Toǵyzqumalaq oıynynyń shyǵý tarıhymen, erejelerimen jáne negizgi qaǵıdalarymen tanystyq. Is-shara óte qyzyqty ári áserli ótti. Sabaq barysynda barsha qatysýshylar belsendilik tanytyp, oıynǵa degen úlken qyzyǵýshylyq kórsetti. Aldaǵy ýaqytta úıirme jumysyna turaqty túrde qatysyp, toǵyzqumalaq oıynyn tereńirek meńgerip, oıyn sheberligin jetildirgimiz keledi. Ulttyq oıyn arqyly zııatkerlik qabiletterimizdi damytyp, mádenı muramyzǵa degen qurmetimizdi arttyramyz dep senemiz, – deıdi ol.
Uıymdastyrýshylardyń aıtýynsha, úıirmeniń basty maqsaty ulttyq zııatkerlik oıyndardy keńinen nasıhattaý ǵana emes, sonymen qatar etnosaralyq tatýlyqty nyǵaıtyp, ortaq qyzyǵýshylyq negizinde jastardy biriktirý. Toǵyzqumalaq adal básekeni dáriptep qana qoımaı, jastardyń bir-birimen jaqyn aralasyp, ortaq iske uıysýyna múmkindik bermek.
Abaı oblysy
