Is-sharada jekemenshik mektepter ornalasqan ǵımarattardyń maqsatty taǵaıyndamasyna qoıylatyn talaptarǵa baılanysty ákimshilik kedergiler, sondaı-aq jan basyna shaqqandaǵy qarjylandyrý qaǵıdalaryna engizilgen ózgerister, onyń ishinde bıýdjet qarajatynyń ýaqytyly jetkizilmeýi jáne baqylaýdyń ashyq túrde bolmaýyna qatysty máseleler talqylandy.
Baspasóz máslıhatyna qatysýshylar jekemenshik mektepterdiń qyzmeti lısenzııalanatyn bilim berý qyzmeti túrlerine jatatynyn jáne olar zańnamasynyń talaptaryn qatań saqtaı otyryp jumys isteıtinin atap ótti.
Baspasóz máslıhatyn Almaty qalasy Azamattyq alıansynyń tóraǵasy, Almaty qalasy Qoǵamdyq keńesiniń múshesi Qaıyrjan Ábdihalyqov júrgizdi. Onyń barysynda jekemenshik mekteptiń jetekshisi jáne quryltaıshysy Alına Mýrzaeva, Insight School alǵashqy táýelsiz ınklıýzıvti mektebiniń teń quryltaıshysy Saltanat Mýrzalınova-Iаkovleva, Almaty oblysy «DANA» mektebiniń quryltaıshysy Renata Tólegenova barlyq ruqsat berý qujattary tek kóshpeli tekserýlerdiń nátıjesi boıynsha beriletinin, bul tekserýler barysynda ǵımarattardyń sanıtarııalyq, órtke qarsy, qala qurylysy jáne ózge de mindetti talaptarǵa sáıkestigi, sonyń ishinde josparlanýy, úı-jaılardyń aýdany, qabattylyǵy jáne materıaldyq-tehnıkalyq jabdyqtalýy baǵalanatynyn erekshe atap ótti.
Almaty qalasynyń jekemenshik mektepteri bekitilgen kestege sáıkes memlekettik attestattaýdan, sanıtarııalyq-epıdemıologııalyq qyzmettiń josparly tekserýlerinen, prokýratýra organdarynyń jospardan tys tekserýlerinen, sondaı-aq Qarjy ortalyǵy tarapynan monıtorıngten ótkeni atap ótildi. Jıyn qatysýshylar sondaı-aq jekemenshik mektep ókilderi mektep ornalasqan ǵımarattyń nysanaly maqsaty resmı sıpatqa ıe ekenin jáne bilim berý qyzmetine ruqsat berýdiń sheshýshi faktory bolyp tabylmaıtynyn aıtty. Olardyń pikirinshe, negizgi ólshem — obektiniń barlyq belgilengen normatıvterge naqty sáıkestigi jáne bul sáıkestiktiń ýákiletti memlekettik organdarmen rastalýy. Sondaı-aq Almaty qalasynda egjeı-tegjeıli josparlaý josparyn (PDP) ózgertýge qoldanystaǵy moratorıı jaǵdaıynda ǵımarattardyń nysanaly maqsatyn ózgertý rásimi is júzinde múmkin emestigin atap ótti. Qatysýshylardyń aıtýynsha, bul buryn barlyq qajetti ruqsat qujattaryn alyp, quqyqtyq alańda bilim berý qyzmetin júzege asyryp kele jatqan jekemenshik mektepterdiń jumys isteýine eleýli ákimshilik kedergiler týǵyzady.
Osyǵan baılanysty nysanaly maqsatqa qoıylatyn talapty tek jańadan qurylatyn bilim berý uıymdaryna qatysty qoldaný jáne belgilengen tártippen lısenzııalaýdan, attestattaýda jáne tekserýlerden ótken qoldanystaǵy jekemenshik mektepterge taratpaý múmkindigin qarastyrý usynyldy. Spıkerlerdiń aıtýynsha, mundaı tásil bilim berý úrdisiniń sapasy men qaýipsizdigin baqylaýdy tómendetpeı, qala qurylysy talaptary men jekemenshik mektepterdiń naqty jumys jaǵdaılary arasyndaǵy teńgerimdi saqtaýǵa múmkindik beredi.
9 jylda 138 jańa mektep: Astananyń bilim keńistigi qalaı ózgeredi?
Baspasóz máslıhatynda jekemenshik mektepterdi qarjylandyrý máselelerine erekshe nazar aýdarylyp, jan basyna shaqqandaǵy qarjylandyrý qaǵıdalaryna engizilgen ózgeristerdiń saldaryna da jeke toqtaldy. Qatysýshylar, qalyptasqan jaǵdaıda qarjylyq aǵyndardyń ashyq emestigin, qarajattyń negizgi alýshylarǵa jetý merzimderiniń uzarǵanyn jáne jedel baqylaý joqtyǵyn kórsetetinin atap ótti.
Jıyn qorytyndysynda jekemenshik bilim berý sektorynyń ókilderi Úkimettiń, qalalar men óńirlerdiń ákimdikteriniń, ýákiletti memlekettik organdardyń jáne jekemenshik bilim berý uıymdarynyń ókilderi qatysatyn turaqty vedomstvoaralyq jumys tobyn qurýdy usyndy. Jekemenshik bilim berý uıymdarynyń mundaı toptyń jumysyna belsendi qatysýǵa daıyn ekeni, júıeli sheshimder ázirleý, ákimshilik kedergilerdi joıý, qarjylandyrý ashyqtyǵyn arttyrý, jekemenshik mektepterdiń bilim berýiniń ornyqty damýyn qamtamasyz etý, sondaı-aq balalardyń qoljetimdi, sapaly orta bilim alýǵa konstıtýsııalyq quqyǵyn qorǵaý jáne iske asyrý múmkindigi aıtyldy.
ALMATY
