Qystyń sáni – syrǵanaq

Bıylǵy maýsymda áleýmettik muz aıdyndary qalanyń ár aýdanyndaǵy halyq kóp jınalatyn oryndarda esik ashty. Qys qyzyǵyn qy­zyqtaǵan megapolıs tur­ǵyndaryna syrǵanaq oryndary Tuńǵysh prezıdent saıabaǵynda, «Al­maty Arena», «Halyq Arena» sport keshenderi aýma­ǵynda, Respýblıka saraıy ma­ńynda, 28 panfılovshylar, «Kokjiek Garden» jáne «Gúlder» saıa­baǵynda, Qazaq-Brıtan teh­nıkalyq ýnıver­sıtetiniń aýmaǵynda, Naý­ryzbaı aýdany ákimdiginiń alańqaıynda tún jarymyna deıin úzdiksiz jumys istep tur. Qala tur­ǵyndary men qonaqtary qalaǵan ýaqytynda syr­ǵanaq teýip, sergı alady. Tipti mundaǵy arnaýly nus­qaýshylar kelýshilerge tegin keńes berip, qyzmet kórsetedi.

Demalýshylar ózimen birge konkılerin ala kelýge tıis. Sondaı-aq syr­ǵanaq alańdarynyń mańynda tamaq­tanýǵa arnalǵan arnaýly oryndar men kon­kılerdi jalǵa berý orta­lyq­tary jumys isteıdi. Uı­ymdastyrý- shylar jalǵa berý baǵasy qoljetimdi bolýy ár­daıym qadaǵalanyp otyratynyn aıtady.

Muzaıdyndary Alma­tynyń myń qubylǵan aýa raıy­na oraılastyrylǵan. Kún raıy 10 gradýsqa deıin jylysa da, syrǵanaq erimeıdi. Iаǵnı alańdardyń arnaýly tońazytqysh quraly muzdy eritpeýge qolaıly temperatýrany qamtamasyz ete alady. Qala jurtshylyǵyna qýanysh syılaǵan áleýmettik jobany júzege asyrýǵa jergilikti ákimdik muryndyq bolǵan.

«Oıyn-saýyq ortalyq­taryndaǵy muzaıdyndaryna barǵanda biraz shyǵyndala­tynbyz. Byltyrdan beri osy tegin syrǵanaq alańdaryna keletin boldym. Bul da qara­paıym turǵyndar men stýdent jastarǵa jasalǵan úl­ken kómek dep esepteımin», deıdi qala turǵyny Jandos Álimǵoja.

Syrǵanaq alańdarynyń esigi kóktemniń alǵashqy aıyna deıin ashyq.

ALMATY