Foto: instagram.com/janibek_alimkhanuly
Onyń aıtýynsha, elimizdiń kásibı boks federasııasy tártiptik komıssııanyń alǵashqy tyńdaýyn ótkizgen. Atalǵan jıynda materıaldardy bastapqy baǵalaý, prosedýralyq aspektilerdi tekserý jáne dáleldemeler bazasynyń tolyqtyǵy tekserilgen.
«Osy kezeńde de isti tek bir ǵana analıtıkalyq nátıjege súıene otyryp, resmı túrde qaraý múmkin emes ekeni belgili boldy. Tyńdaý barysynda saraptamalyq, medısınalyq jáne quqyqtyq baǵalaýdy qajet etetin qosymsha mán-jaılar bary anyqtaldy. Sondyqtan Tártiptik komıssııanyń tóraǵasy retinde men 23 qańtarǵa qaıta sot otyrysyn taǵaıyndaý týraly sheshimdi qoldadym», dep jazdy Rahymjan Erdenbekov.
Tártiptik komıssııa quramynda Federasııa, memlekettik sport organy, Ulttyq dopıngke qarsy ortalyq, medısınalyq komıssııa jáne halyqaralyq tóreshi ókilderi bar. Rahymjan Erdenbekov barlyq prosedýra aıaqtalǵanǵa deıin komıssııa Jánibek Álimhanulynyń máselesine qatysty qandaı da bir qorytyndy shyǵa almaıtynyn eskertti.
Eske salaıyq, «The Ring magazine» basylymy WBO jáne IBF tujyrymdary boıynsha orta salmaqtaǵy álem chempıony Jánibek Álimhanuly kezekti jekpe-jegi aldyndaǵy dopıng testinen ótpeı qalǵanyn habarlaǵan edi.
El boksshysy 12 qarasha kúni dopıng synamasyn tapsyrǵan edi.
Al WBO Jánibek Álimhanulynyń dopıng daýyna qatysty tekseristi bastady.
«Qazaq Style» komandasy bul jańalyqty estigende tańǵalǵanyn jasyrmady.
Elimizdiń Sport jáne týrızm mınıstrligi máselege aralasyp, qajetti sharalardy oryndaý úshin otandasymyzǵa qoldaý kórsetetinin málimdedi.
Qazaqstan kásibı boks federasııasynyń prezıdenti de dopıng daýyna qatysty pikir bildirdi.
Al belgili bapker Jumabek О́mirzaqov Jánibek Álimhanuly endi iri jekpe-jekter ótkizbeýi yqtımal ekenin aıtty.
