Foto: Aqorda
Memleket basshysy qaıǵyly oqıǵaǵa qatysty pikir bildirip, qyz alyp qashý adam urlyǵyna teń qylmys ekenin atap ótti.
«Kúdiktiniń Nuraıdy ańdyp, maza bermeı qoqan-loqqy kórsetkeni anyqtalyp otyr. Aqyry munyń arty adam ólimine ákep soqtyrdy. Osyǵan baılanysty Ishki ister mınıstrligine Shymkent qalalyq departamentine quqyqtyq baǵa berýdi tapsyrdym. Bas prokýror da bul máseleni muqııat tekseredi. Qyz alyp qashý – adam urlaý degen sóz. Bul – ultymyzdyń bedeline nuqsan keltiretin óreskel, jabaıy qylmys. Ondaı qatygezdikke eshqashan jol berýge bolmaıdy», dedi Prezıdent.
Aıta keteıik, Qyzylordada Memleket basshysy Qasym-Jomart Toqaevtyń tóraǵalyǵymen Ulttyq quryltaıdyń V otyrysy ótip jatyr.
Prezıdent Quryltaıda sóılegen sózinde Aral teńizi máselesine toqtalyp, onyń jahandyq mańyzyn atap ótti.
Al Memlekettik keńesshi Erlan Qarın Býrabaıdaǵy quryltaıdan keıin 6 zań qabyldanyp, 10 zań jumysqa alynǵanyn jetkizdi.
Buǵan deıin Shymkentte kópqabatty úıdiń aldynan jas qyzdyń máıiti tabylǵanyn jáne marqumnyń týystary ádil sot sheshimin talap etkeni týraly habarlaǵanbyz.
