Foto: depositphotos.com
Reuters agenttiginiń málimetinshe, amerıkalyq Chevron kompanııasynyń enshiles kásiporny – «Teńizshevroıl» elektrmen jabdyqtaýdaǵy aqaýlarǵa baılanysty jumysyn toqtatýǵa májbúr bolǵan. О́ndiris taǵy 7-10 kúnge deıin toqtap turýy múmkin, bul Kaspıı qubyr konsorsıýmy arqyly munaı eksportyn qysqartýǵa ákeledi.
Osy jaǵdaı sheńberinde Brent markaly munaı fıýchersteri 98 sentke qymbattap, barreli 64,92 dollarǵa jetti. Al WTI markaly munaı baǵasy 1,11 dollarǵa ósip, barreli 60,55 dollar boldy.
ICIS kompanııasynyń energetıka jónindegi dırektory Adjaı Parmardyń aıtýynsha, «Teńiz» – álemdegi eń iri ken oryndarynyń biri bolǵandyqtan onyń toqtaýy, árıne, jetkizilimge áser etedi, alaıda bul ýaqytsha jaǵdaı.
Naryqqa Qytaıdan kelgen oń ekonomıkalyq derekter de qoldaý kórsetti. Eldiń jalpy ishki ónimi tórtinshi toqsanda 5%-ǵa ósip, sarapshylar boljamynan joǵary nátıje kórsetti. Munaı óńdeý kólemi 4,1%-ǵa, al shıki munaı óndirý 1,5%-ǵa artty. IG Market sarapshysy Tonı Saıkamordyń aıtýynsha, bul munaıǵa degen suranysty kúsheıtip, baǵanyń ósýine yqpal etken.
Sonymen qatar, Reuters málimetinshe, munaı baǵasyna halyqaralyq valıýta qorynyń (HVQ) álemdik ekonomıka ósimine qatysty boljamdary, dızel otyny baǵasynyń kóterilýi jáne dollardyń álsireýi de áser etti. Dollardyń arzandaýy munaıdy ózge elder úshin qoljetimdi ete túsedi.
Degenmen, ınvestorlar AQSh tarapynan jańa baj salyǵy engizilýi múmkin degen táýekelderdi de baǵalap otyr. AQSh prezıdenti Donald Tramp buǵan deıin 1 aqpannan bastap birqatar eýropalyq elderden ákelinetin taýarlarǵa 10 paıyzdyq tarıf engiziletinin, al Grenlandııany AQSh baqylaýyna alý jóninde kelisimge qol jetkizilmese, 1 maýsymnan bastap bul kórsetkish 25 paıyzǵa deıin ósetinin málimdegen. Adjaı Parmaranyń pikirinshe, mundaı sharalar ekonomıkalyq ósimdi baıaýlatyp, munaıǵa degen suranysty tómendetýi múmkin. Eýropalyq komıssııa yqtımal tarıfterdi «qatelik» dep atap, Arktıkadaǵy qaýipsizdikti qamtamasyz etý jospary daıyndalyp jatqanyn habarlady.
«Qara altyn» arzandasa, qazyna ortaımaı ma? Venesýela faktorynyń qazaq ekonomıkasyna áseri
Buǵan deıin 18 qańtarda Teńiz ken ornynda týrbına transformatorynyń órtengeni, sonyń saldarynan kásiporyn aýmaǵynan 473 qyzmetker evakýasııalanǵany habarlanǵan bolatyn. Osydan keıin Qazaqstandaǵy iri ken oryndarynda munaı óndirý ýaqytsha toqtatyldy. «Qara altyn»
