Is-shara aıasynda 2026 jylǵy 1 qańtardan bastap Qazaqstan Respýblıkasyndaǵy barlyq kúshtik qurylymdardyń áskerı qyzmetshileri men olardyń otbasy músheleri jylyna bir ret el aýmaǵynda jolaýshylar poıyzdarymen tegin qatynaı alatyny jóninde naqty málimet berildi. Bul bastama áskerı qyzmetshilerdiń áleýmettik jaǵdaıyn jaqsartýǵa jáne olardyń otbasymen birge saparlaý múmkindigin arttyrýǵa baǵyttalǵan.
Aqparattandyrý barysynda «Jolaýshylar tasymaly» AQ Tasymaldaý ekonomıkasy jáne esebi departamentiniń bas menedjeri Aınur Bazarbaeva tegin jol júrý quqyǵy tek Qazaqstan ishindegi baǵyttarda qatynaıtyn jolaýshylar poıyzdaryna qoldanylatynyn atap ótti. Sondaı-aq, atalǵan shyǵyndar «Qazaqstan temir joly» ulttyq kompanııasynyń qarajaty esebinen óteletinin túsindirdi.
Jıynǵa qatysqan «Qazaqstan temir joly» ulttyq kompanııasy» AQ tarıf saıasaty departamentiniń dırektory Dıas Túsipbekov áskerı qyzmetshiler tarapynan qoıylǵan suraqtarǵa jaýap berip, jeńildikti paıdalaný barysynda týyndaýy múmkin tehnıkalyq jáne uıymdastyrýshylyq máselelerge toqtaldy.
Is-shara qorytyndysynda IIM Ulttyq ulany Bas qolbasshysynyń Tárbıe jáne áleýmettik-quqyqtyq jumystar jónindegi orynbasary general-maıor Qaırat Úmbetov bul bastamanyń mańyzyn atap ótti.
Áskerılerge bólinetin qarajat – eń aldymen adamǵa baǵyttalýy tıis
Ol jobany iske asyrý barysynda belgilengen talaptardyń qatań saqtalýy qajettigin aıtyp, atalǵan áleýmettik qoldaýdyń áskerı qyzmetshiler men olardyń otbasy músheleriniń áleýmettik qorǵalý deńgeıin arttyrýǵa, demalysty aldyn ala josparlaýǵa jáne jol shyǵyndaryn edáýir azaıtýǵa múmkindik beretinin jetkizdi.
