Aıta keteıik, Erlan Jetibaev 1984 jyly 15 jeltoqsanda Qaraǵandy qalasynda dúnıege kelgen. 2006 jyly L.N. Gýmılıov atyndaǵy Eýrazııa ulttyq ýnıversıtetin bitirgen.
Eńbek jolyn 2006 jyly Qazaqstan Respýblıkasy Syrtqy ister mınıstrliginiń Konsýldyq qyzmet departamentinde maman retinde bastaǵan.
2009 jyly Qarjy mınıstrliginiń Memlekettik aktıvterdi basqarý metodologııasy, ishki qarjylyq baqylaý jáne bıýdjettik nesıelendirý departamentiniń sarapshysy bolyp jumys istedi. 2009-2011 jyldary SIM Ákimshilik jáne baqylaý departamentinde úshinshi hatshy qyzmetin atqardy. 2011-2017 jyldary Qazaqstannyń Taılandtaǵy elshiliginde ekinshi, birinshi hatshy laýazymdarynda eńbek etti.
2017 jyly SIM EKSPO-2017 Hatshylyǵynyń birinshi hatshysy, keıin SIM Azııa jáne Afrıka departamentiniń birinshi hatshysy qyzmetinde jumys istedi. 2018-2020 jyldary «Halyqaralyq jasyl tehnologııalar jáne ınvestısııalyq jobalar ortalyǵy» KeAQ Qamtamasyz etý qyzmeti hatshylyǵynyń basshysy, Halyqaralyq yntymaqtastyq jáne klımattyq ınvestısııalar departamentiniń dırektory qyzmetterin atqardy.
Syrtqy ister mınıstrligi Qara teńizde bolǵan oqıǵaǵa qatysty málimdeme jasady
2020-2023 jyldary SIM Baspasóz qyzmetinde keńesshi jáne basshy, 2023-2025 jyldar aralyǵynda SIM Kommýnıkasııalar departamenti dırektorynyń orynbasary boldy.
SIM Halyqaralyq aqparat komıtetiniń tóraǵasy – Resmı ókili bolyp taǵaıyndalǵanǵa deıin 2025 jylǵy naýryz aıynan bastap SIM Kommýnıkasııalar departamentiniń dırektory qyzmetin atqardy.
Syrtqy ister mınıstrligi Avraam kelisimderine qosylýǵa qatysty málimdeme jasady
II synypty Keńesshi dıplomatııalyq dárejege ıe. Aǵylshyn jáne túrik tilderin meńgergen.
Eske salaıyq, buǵan deıin bul qyzmetti Aıbek Smadııarov atqardy. Ol 2025 jyly 9 jeltoqsanda qyzmetinen ketken edi.
