Foto: kazakhtourist.kz
Bloomberg jýrnalynyń jazýynsha, Almaty basqa týrıstik baǵyttarmen salystyrǵanda sapar ýaqytynyń uzaqtyǵymen utady. Keıbir elderge trevel-sarapshylar tek belgili bir úsh-tórt aıda, kóbine jaz mezgilinde barýdy usynady. Al Almatyda jyldyń segiz aıynda tamasha týrıstik múmkindikter bar: qysta – shańǵy jáne taý-shańǵy sporty, kóktem men kúzde – belsendi taýly ekotýrızm.
Mańǵystaý oblysy sheteldik týrısterdi eń kóp tartatyn óńirlerdiń úshtigine endi
Jylyna eki ret, qańtar jáne shilde aılarynda, Ulttyq statıstıka bıýrosynyń mamandary vokzaldar men áýejaılarda elden ketip bara jatqan týrıster arasynda áleýmettik saýalnama júrgizedi. О́tken jyly bul saýalnamalarǵa shetelden kelgen 24 myńnan astam saıahatshy qatysqan. Mundaı iriktemeli zertteýler Qazaqstanǵa keletin sheteldik týrısterdiń jalpy portretin jasaýǵa múmkindik beredi.
Olardyń jartysynan astamy – 25 pen 44 jas aralyǵyndaǵy jastar. Árbir ekinshi respondent − Reseıden kelgen týrıst. Orta eseppen sheteldik qonaqtar Qazaqstanǵa tórt kúnge keledi. Olar keıbir óńirlerde uzaǵyraq bolýy múmkin. Mysaly, Almatyda – alty kún, Mańǵystaý oblysynda – jeti kún.
Aıta ketý kerek, Bloomberg usynǵan eń tartymdy lokasııalar tiziminde Ortalyq Azııa men EAEO elderinen Almatydan ózge qala joq.
Bıyl Almaty oblysyna barǵan týrıster sany 2,2 mıllıon adamǵa jetken
