Onda Biryńǵaı baılanys ortalyǵynyń jumysy kórsetildi. Salyq tóleýshilerge keńes berý úsh deńgeıli júıe arqyly júzege asyrylady: bastapqy túsindirý, qoldaý kórsetý jáne aqparattyq júıelerge ózgerister engizý. Bıylǵy qańtar aıynyń basynan beri 1414 aqysyz senim telefonyna, messendjerler jáne jyldam habar almasý qoldanbalaryna jáne JI-men jumys isteıtin chat-bottarǵa telefon qońyraýlary arqyly 135,5 myńǵa jýyq ótinish kelip tústi.
Serik Jumanǵarın salyq reformasy ne úshin qajet ekenin aıtty
Kún saıyn operatorlar orta eseppen 13-14 myń ótinish qabyldaıdy. Olardyń 7 myńǵa jýyǵy salyq reformasy, áleýmettik tólemder jáne taǵy da basqa máselelerge qatysty suraqtar. Qajet bolǵan jaǵdaıda azamattar men bıznestiń qońyraýlary men habarlamalary júıelik sheshimderdi taldaý jáne qabyldaý úshin tıisti bólimshelerge jiberiledi.
«Memleket basshysy Ulttyq quryltaıda sóılegen sózinde atap ótkendeı, bizdiń mindetimiz – Salyq kodeksiniń jańa normalaryn engize otyryp, «fıskaldyq tranzıtti» birkelki, ári janjalsyz ótkizý. Halyqpen jáne bıznespen ózara is-qımyldyń tıimdi júıesin qurý.
Biz ádil de tıimdi salyq júıesin ornatamyz, osy rette birtindep salyq tóleý mádenıetin qalyptastyrýǵa bet buryp kelemiz. Salyq tóleý arqyly týǵan ólkeniń damýyna úles qosýǵa bolady degen sanaly tásildi yntalandyrý mańyzdy. Prezıdent te patrıotızmniń osy túri týraly aıtyp otyr. Búgin biz bıznestiń ádil Qazaqstan qaǵıdattaryna birtindep beıimdelip kele jatqanyn kórip otyrmyz. 2025 jyly bıznes sýbektileri óz betinshe 750 mlrd teńgeden astam salyq tóledi», dep atap ótti Oljas Bektenov.
Premer-mınıstr salyq reformasy barlyq ózge de jańashyldyqtar sııaqty qıyndyqtar men jańa syn-qaterlerge toly ekenin atap ótti. Soǵan qaramastan, Qazaqstanda iskerlik belsendilik artyp jatyr. Qarjy mınıstrliginiń derekteri boıynsha 2025 jyly elde 480 myń jańa zańdy tulǵa tirkelgen. Osy jyldyń alǵashqy 20 kúninde – taǵy 22 myń sýbekt, bul bıznestiń jappaı jabylýy týraly boljamdardyń teris ekenin kórsetedi. Alaıda bıznestiń qyzmetine naqty kedergi keltiretin normalardy anyqtaǵan kezde olardy qorytyp, túzetý boıynsha usynystar engizý kerek.
Salyqtyq ákimshilendirýdi ońaılatý jáne bıýrokratııalyq rásimderdi tómendetý boıynsha elimizde júrgizilip jatqan reformalardy halyqqa qoljetimdi jáne sapaly túsindirýge basa nazar aýdaryldy.
EQJ azamattardyń, bıznestiń jáne memlekettik organdardyń ózara is-qımylynyń negizgi servıstik quraly bolyp sanalady. Qarjy mınıstrliginiń sıfrlyq ınfraqurylymynyń negizgi obektisi salyq tóleýshilerge konsýltasııalyq qyzmetterdi, aqparattyq júıelerdi tehnıkalyq súıemeldeýdi jáne ákimshilendirýdi qamtamasyz etedi. Bólimsheler barlyq qyzmetti bir alańǵa shoǵyrlandyrǵan jańa ǵımaratqa ornalastyryldy, bul óz kezeginde aqparattyq qaýipsizdik deńgeıin arttyrdy.
Oqı otyryńyz: Salyq reformasynyń máni nede?
Keńes berýden bólek, EQO mamandary fıskaldyq jáne bıýdjettik saıasatqa jaýapty 21 aqparattyq júıeniń úzdiksiz jumys isteýin qamtamasyz etedi. Sonymen qatar Ortalyq bıýdjettik prosess ıntegratoryn súıemeldeý, memlekettik satyp alýlar portalyna operatorlyq jáne servıstik qoldaý kórsetý jáne t.b. baǵyttar boıynsha memlekettik operator qyzmetin atqarady.
Premer-mınıstr nysandy aralaý qorytyndysy boıynsha Qarjy mınıstrligine Elektrondyq qarjy ortalyǵyn odan ári tehnologııalyq jańǵyrtý jáne azamattardyń ótinishterin barlyq baılanys arnalary arqyly óńdeý qýattylyqtaryn arttyrý úshin qajetti barlyq jaǵdaıdy qamtamasyz etýdi tapsyrdy.
1 qańtardan bastap salyq reformasy kúshine enedi. Bazardaǵy baǵa sharyqtaýy yqtımal
