Foto: inbusiness.kz
Ol kúni-keshe partııanyń Ulttyq keńesiniń plenýmy ótip, onda V Ulttyq Quryltaıdyń qorytyndylary men Prezıdent Qasym-Jomart Toqaevtyń Konstıtýsııalyq reforma jónindegi bastamalary talqylanǵanyn habarlady.
«Osy rette partııa tóraǵasy retinde maǵan Konstıtýsııalyq komıssııa múshelerine «Aq jol» Memleket basshysy usynǵan Konstıtýsııanyń tujyrymdamalyq ózgeristerdi qoldaıtynyn baıandaý tapsyryldy», dedi Azat Perýashev.
Sonymen qatar ol ulttyq bıznes pen ónerkásippen aınalysatyndardyń múddelerin bildire otyryp, «Aq jol» azamattar men kásipkerlerdiń zańdy múddelerin qorǵaýdyń Konstıtýsııalyq kepildikterin kúsheıtý qajettigine erekshe nazar aýdarýdy usynady.
«Mysaly, bank operasııalary men salymdardyń qupııasyn buzý jaǵdaılary alańdaýshylyq týǵyzady. Bizdiń oıymyzsha, osylaısha azamattar men bıznestiń qarjylyq jaǵdaıy týraly derbes derekterdiń jetkiliksiz qorǵalýy baıqalady, bul jappaı sıfrlandyrý jáne derekterdiń tarap ketýi dáýirinde óte qolaısyz bolyp otyr», dedi A.Perýashev.
Onyń aıtýynsha, Konstıtýsııalyq quqyqta kásipkerlik kepildikter men bostandyqtar máselelerin sheshýge keshendi kózqaras qajet. Bul sondaı-aq Memleket basshysynyń bıznesti qoldaýdy kúsheıtý jáne ótken jyldyń qyrkúıek aıynda halyqqa Joldaýynda aıtylǵan ınvestısııalardy qorǵaý jónindegi arnaıy komıtet qurý jónindegi tapsyrmalarymen úndesedi.
«Aq jol» demokratııalyq partııasy banktik qupııany, jeke jáne iskerlik kelissózderdi, sondaı-aq sıfrlyq tehnologııalardy qosa alǵanda, kez kelgen baılanys quraldarymen beriletin hat-habarlardy Konstıtýsııalyq qorǵaýdy kúsheıtýdi usynady. Bul azamattar men bıznestiń jeke menshik quqyǵyn qorǵaýdyń Konstıtýsııalyq kepildikterin kúsheıtýdiń mańyzdy elementi bolady», dep túıindedi Azat Perýashev.
