Memlekettik bilim men tárbıe júıesi úshin zaıyrly ulttyq jáne jalpyadamzattyq qundylyqtar – órkenıet temirqazyǵy ekenin eske salǵan ol damýdyń dańǵyl jolyna túsken aldyńǵy qatarly elderde solaı bolǵanyn jáne bola beretinin tilge tıek etti.
«Áı deıtin aja, qoı deıtin qoja joq» keıingi shırek ǵasyrda qarashubar jamylǵy, sóleńdegen suryqsyzdyq, kelte balaq, qaýǵa saqal men seldir saqal qaladan dalaǵa deıin qaptap ketti. Qazaqtyń ımandy, tárbıeli, bilimdi ortasyn qara bult, dúdamal dil basyp alǵandaı kúı keshtik. Ata-anasyn tyńdamaıtyn urpaq, ult dástúrin tárk etken dindarsymaqtar paıda boldy. Eń qaýiptisi, olar urpaǵyn da jat baǵytta tárbıeleýge kóshti», dedi Dıhan Qamzabekuly.
Únzıla Shapaq: Konstıtýsııanyń preambýlasyn jańartý eldiń ıdeologııalyq baǵytyn aıqyndaıdy
Ol Sırııaǵa soǵysqa baryp adasqandar tragedııasy men «Jýsan» operasııasynyń arqasynda elge oralǵandardyń kóz jasy kópke oı salýǵa tıis ekenin jetkizdi.
«Dinı ekspansııa tek musylman álemine ǵana qatysty emes. Hrıstıan dúnıesi de, basqa irili-usaqty múláıimsigen konfessııalar da bilim júıesine kirýge entelegeni jasyryn emes. Degenmen qazir ahýal túzele bastady. Bul turǵyda Konstıtýsııadaǵy zaıyrlylyq normasy osy zárýlikti ońtaıly shesher edi», dep oıyn bildirdi ol.
Erjan Jıenbaev Vıse-prezıdenttiń ókilettigine qatysty konstıtýsııalyq ózgeristerge toqtaldy
