Oqıǵa • 26 Qańtar, 2026

BQO-da jeke turǵyn úı órtendi: 3 adam qaza tapty

31 ret

kórsetildi

1 mın

oqý úshin

Aqsaı qalasynda jeke turǵyn úıden shyqqan órtti sóndirý kezinde qutqarýshylar úsh adamnyń máıitin tapty, dep habarlaıdy Egemen.kz.

Aıana TOǴANBEK

BQO-da jeke turǵyn úı órtendi: 3 adam qaza tapty

«Moı gorod» basylymynyń málimetinshe, qaıǵyly oqıǵa 25 qańtar kúni keshki ýaqytta Soltústik kóshesinde bolǵan.

Batys Qazaqstan oblysy Tótenshe jaǵdaılar departamentiniń málimetinshe, órt týraly habar 101 nómirine keshki ýaqytta túsken. Oqıǵa ornyna jedel túrde órt sóndirý bólimsheleri jiberilgen.

Túrkistan oblysyndaǵy órtten 12 adam qaza tapty: Oqıǵa ornynan foto men vıdeolar jarııalandy

Qutqarýshylar kelgen kezde jeke turǵyn úıdiń tolyǵymen órtenip ketkeni anyqtalǵan. О́rtengen úıdiń ishinen úsh adamnyń máıiti tabylyp, órt oshaǵynan shyǵarylǵan.

«О́rt tolyǵymen sóndirildi. О́rt sharpyǵan aýmaq shamamen 90 sharshy metrdi qurady. О́rttiń shyǵý sebepteri anyqtalyp jatyr», dep habarlady BQO TJD.

О́rtti sóndirýge TJD-nyń 14 qyzmetkeri men 3 tehnıka birligi jumyldyryldy. Jalynnyń kórshiles aýmaqqa taralýyna jol berilgen joq.

Jeke úılerdegi órt: Qaýip qaıdan tónedi?

Resmı derekke sáıkes, atalǵan úıde bir adam turǵan. Qaza tapqan úsh adamnyń ólimine qatysty mán-jaılar men órttiń shyǵý sebepteri anyqtalyp jatyr. Tıisti saraptamalar taǵaıyndaldy.