Qazaqstan – Izraıl: Yntymaqtastyqtyń jańa deńgeıi

Eki el tehnologııalar trans­feri máseleleri men eki eldiń salalyq vedomstvolary men isker toptary arasyndaǵy prak­tı­kalyq yntymaqtastyqty keńeıt­pek. Sapar aıasynda eki eldiń syrtqy saıası vedomst­vo­lary arasynda saıası konsýl­tasııalardyń 12-raýndy ótti. Onda halyqaralyq jáne óńirlik kún tártibindegi máseleler sóz boldy, sonyń ishinde Taıaý Shyǵys­taǵy jaǵdaıdy beıbit jol­men sheshýge járdemdesý tetikteri qaral­dy. Osy turǵyda elimizdiń Gaza­daǵy Beıbitshilik keńesiniń qyz­metine qatysýy, sondaı-aq Ibra­hım kelisimderi aıasyndaǵy ózara is-qımyl máseleleri talqylandy.

«1992 jyldyń sáýirinde dıp­lomatııalyq qatynastar orna­ǵan sátten bastap biz ózara qurmet pen senimge negizdelgen jan-jaqty yntymaqtastyqty qalyptastyra otyryp, saıası, ekono­mıkalyq jáne mádenı salada eleýli nátıjelerge qol jetkizdik. Sizdiń Astanaǵa sa­pary­ńyz – seriktestigimizdi jańa deńgeıge kóterýge degen ortaq múd­demizdiń aıqyn dáleli», dep atap ótti E.Kósherbaev ızraıl­dik árip­tesimen kezdesý barysynda.

SIM basshysy qazirgi kezeńdegi ekijaqty yntymaqtastyqqa tán dıa­logtiń jandanýyna toq­tala kele, bul úderiste eki mem­leket­tiń basshylary mańyz­dy ról at­qa­­ratynyn atap ótti. Quqyq­tyq negizdiń berik ekenine toq­tal­ǵan E.Kósherbaev saýda, ınves­tı­sııa­lyq jáne tehnologııalyq yn­ty­maqtastyqty keńeıtý úshin jo­ǵary áleýet bar ekenin, sondaı-aq agrotehnologııa­lar men tamaq ónerkásibi, densaý­lyq saqtaý, farmasevtıka men medısınalyq tehnologııalar, ınfraqurylym men logıstıka, energııa tıim­diligi men jańar­tylatyn energııa kózderi sııaqty salalarda jo­ǵary qosylǵan quny bar birlesken jobalardy iske asyrýǵa elimizdiń múddeli ekenin jetkizdi. Sonymen qatar ol Qazaqstannyń BUU-nyń onlaın-qyzmetter ındeksi men Dúnıejúzilik banktiń GovTech jetilý ındeksi boıynsha sıfr­lyq teh­nologııalar salasynda álem­dik kóshbasshylardyń qa­taryn­­da ekenin atap ótip, ız­raıl­dik kompanııalardy bel­sendi yn­ty­maqtastyqqa shaqyrdy.

О́z kezeginde Izraıl SIM basshysy ózara qyzyǵýshylyq týdyratyn barlyq baǵyt boıynsha yntymaqtastyqty keńeıtýge daıyn ekenin rastap, ekijaqty ekonomıkalyq jáne mádenı-gýmanıtarlyq baılanystardy nyǵaıtýdyń mańyzdylyǵyn atap ótti. Saıası konsýltasııalardyń 12-raýndynyń qorytyndysy boıynsha Dıplomatııalyq kadr­lardy daıarlaý men Qoǵamdyq dıplomatııa salasyndaǵy ynty­maq­t­astyq týraly memorandým­dar, sondaı-aq týrıstik almasý­lar­­dy damytý maqsatynda ult­tyq pasport ıelerin vızalyq talap­tardan bosatý jónindegi elimiz­diń Úkimeti men Izraıl Úkimeti arasyndaǵy kelisimge nıettiligi týraly memorandýmǵa qol qoıyldy.

Sapar aıasynda eki eldiń isker toptarynyń qatysýymen bıznes-forým uıymdastyrylyp, B2B jáne B2G formattarynda kezdesýler ótti. Joǵary tehnologııaly aýyl sharýashylyǵy, sý resýrs­taryn basqarý jáne sıfrlyq tehnologııalar sııaqty basym salalarda birlesken jobalardy iske asyrý perspektıvalary talqylandy.